1 Kulondolola 2 - MUKANDA WA MYIDI MUKULU

Ndelanganyi ya Yuda, muana wa Yakobe

¹ Bana ba balume ba Yakobe (udibu babikila kabidi ne: Izrayele) badi nenku: Rubene, Shimeyone, Levi, Yuda, Isakare, Zebulone,

² Dane, Yozefe, Binyamine, Naftali, Ngade ne Ashere.

³ Yuda uvua ne mukaji, muana wa Shuwa, wa bena Kenaane. Bavua balela nende bana basatu, mena a bana abu adi nenku: Ere, Onane ne Shela. Kadi Ere muanabute kufikisha Maweja-Nangila munda bua bubi buvuaye muenze. Maweja-Nangila kumushipa.

⁴ Matuku mamane kupita, Yuda ne Tamare uvua mukaji wa muanende, kulelabu bana bakuabu ba balume babidi. Mena abu ngaa: Perese ne Zera. Nenku bana ba balume ba Yuda bonsu bavua batanu.

⁵ Bana ba balume ba Perese badi: Esrone ne Amule.

⁶ Bana ba balume ba Zera badi batanu: Zimri, Etane, Emane, Kalkole ne Dara.

⁷ Karmi uvua ne muana wa balume umue: Akare. Muana ewu wakakebela bena Izrayele dikenga, bualu uvua mukalame ne bintu bivuabu bapawula mu mvita, bintu bivuabu ne bua kulambula Mvidi Mukulu.

⁸ Etane uvua ne muana umue, dina diende Azariya.

⁹ Bana ba balume ba Esrone badi Yerameyele, Rame ne Kalebe (uvuabu babikila kabidi ne: Kelubayi).

¹⁰ Rame uvua tatuende wa Aminadabe. Aminadabe uvua tatuende wa Nashone, mfumu wa tshisamba tshia bena Yuda.

¹¹ Nashone uvua tatuende wa Salma. Salma uvua tatuende wa Bowaze.

¹² Bowaze uvua tatuende wa Obede. Obede uvua tatuende wa Ishayi.

¹³ Ishayi uvua ne bana ba balume muanda mutekete: Eliyabe, Abinadabe, Shama,

¹⁴ Netaneyele, Radayi,

¹⁵ Osheme ne Davide.

¹⁶ Ishayi uvua ne bana ba bakaji babidi: Seruya ne Abigayile. Bana ba balume ba Seruya badi basatu: Abishayi, Yowabe ne Ashayele.

¹⁷ Abigayile uvua mulele muana wa balume umue, dina diende: Amasha. Dina dia tatuende divua Yetere muena Ishemayele.

¹⁸ Kalebe, muana wa Esrone, uvua mulele bana banayi ne mukajende Azuba: uvua mulele muana wa bakaji anu umue: Yeriyote, ne ba balume basatu: Yeshere, Shobabe ne Ardone.

¹⁹ Azuba mumane kufua, Kalebe kusela Efrata, kulela nende muana wa balume, dina diende Ure.

²⁰ Ure ke tatuende wa Uri. Uri uvua tatuende wa Beshalele.

²¹ Esrone ukumbaja bidimu makumi asambombu, kusela muana wa bakaji wa Makire, tatuende wa Ngilaade. Kulelaye nende muana wa balume umue: Segube.

²² Segube ke tatuende wa Yayire. Yayire uvua ne misoku makumi abidi ne isatu ya mu buloba bua bena Ngilaade.

²³ Kadi bakalenga ba bena Ngeshure ne ba bena Arame kunyenga misoku ya Yayire, ne tshimenga tshia Kenate, pamue ne misoku ivua natshi mutumba. Misoku yonsu ivua makumi asambombu. Bavua basamu kudi ndelanganyi ya Makire, tatuende wa Ngilaade.

²⁴ Esrone, bayende wa Abiya, mumane kufua, Kalebe kubuelela kabidi Efrata mu nzubu. Kulelaye nende muana wa balume, dina diende Ashekure. Ashekure ke uvua muibake tshimenga tshia Tekowa.

²⁵ Yerameyele, muanabute wa Esrone, uvua ne bana ba balume ba bungi. Muanabute uvua Rame, pashishe Buna, Orene, Osheme ne Akiya.

²⁶ Yerameyele uvua ne mukaji mukuabu, dina diende Atara, mamuende wa Oname.

²⁷ Bana ba balume ba Rame, muanabute wa Yerameyele badi nenku: Maase, Yamine ne Ekere.

²⁸ Bana ba balume ba Oname badi: Shamayi ne Yada. Bana ba balume ba Shamayi badi: Nadabe ne Abishure.

²⁹ Abishure kusela Abikayile, kulelaye nende Abane ne Molide.

³⁰ Adabe uvua ne bana babidi: Selede ne Apayime. Selede kufua, kayi mulele.

³¹ Apayime uvua ne muana wa balume anu umue, dina diende Isheyi. Isheyi uvua ne muana wa balume umue, dina diende Sheshane. Sheshane uvua ne muana wa balume umue, ke Alayi.

³² Yada, muanabu ne Shamayi, uvua ne bana ba balume babidi: Yetere ne Yonatane. Yetere kufua, kayi mulele.

³³ Bana ba balume ba Yonatane badi: Pelete ne Zaza. Bana bonsu aba ke ndelanganyi ya Yerameyele.

³⁴ Sheshane kavua mulele bana ba balume to, anu ba bakaji. Uvua ne muena mudimu wa bena Ejipitu, dina diende Yara.

³⁵ Sheshane kupesha Yara muanende wa bakaji bua amusele. Mukaji awu kulela muana wa balume, dina diende Atayi.

³⁶ Atayi uvua tatuende wa Natane. Natane uvua tatuende wa Zabade.

³⁷ Zabade uvua tatuende wa Eflale. Eflale uvua tatuende wa Obede.

³⁸ Obede uvua tatuende wa Yeku. Yeku ntatuende wa Azariya.

³⁹ Azariya uvua tatuende wa Elese. Elese uvua tatuende wa Elasha.

⁴⁰ Elasha uvua tatuende wa Sismayi. Sismayi uvua tatuende wa Shalume.

⁴¹ Shalume uvua tatuende wa Yekamiya. Yekamiya ntatuende wa Elishama.

⁴² Bana ba balume ba Kalebe, muanabu ne Yerameyele badi nenku: muanabute Mesha, tatuende wa Zife, ne Maresha, tatuende wa Ebrone.

⁴³ Bana ba balume ba Ebrone badi: Kora, Tapuwa, Rekeme ne Shema.

⁴⁴ Shema uvua tatuende wa Rakame. Rakame uvua tatuende wa Yorkowame. Rekeme uvua tatuende wa Shamayi.

⁴⁵ Shamayi uvua tatuende wa Mawone. Mawone uvua tatuende wa Bete-Sure.

⁴⁶ Kalebe uvua ne mukaji mukuabu, dina diende Efa. Kulelaye bana aba: Arane, Mosha ne Ngazeze. Arane uvua kabidi mulele muana wa balume umue, dina diende Ngazeze.

⁴⁷ Bana ba balume ba Yadayi badi: Regeme, Yotame, Ngeshane, Pelete, Efa ne Shafe.

⁴⁸ Kalebe uvua kabidi ne mukaji mukuabu, dina diende Maaka. Kulelaye nende Shebere ne Tirana.

⁴⁹ Matuku makuabu mamane kupita, Maaka kulela bana bakuabu: Shafe tatuende wa Madmana, ne Sheva tatuende wa Makbena ne Ngibeya. Kalebe kulela kabidi muana wa bakaji, dina diende Aksa.

⁵⁰ Ndelanganyi mikuabu ya Kalebe idi nenku: Ure muanabute wa kua mukajende Efrata, uvua mulele bana ba balume basatu: Shobale, ke uvua muase tshimenga tshia Kiriyate-Yeyarime.

⁵¹ Salma uvua muase tshimenga tshia Betleyeme, ne Arefe uvua muase tshimenga tshia Bete-Ngedere.

⁵² Ndelanganyi ya Shobale, uvua muase tshimenga tshia Kiriyate-Yeyarime, idi nenku: bena mu tshimenga tshia Aroye, tshia bibidi tshia badi basomba mu Menukote,

⁵³ ne meku a bena Kiriyate-Yeyarime: ke bena Itri, bena Puti, bena Shumati ne bena Misherayi bavua base mu misoku ya mu Sora ne mu Eshetayole.

⁵⁴ Ndelanganyi ya Salma idi nenku: bena mu tshimenga tshia Betleyeme, tshia Netofa, tshia Atrote-Bete-Yowabe, tshia bibidi tshia bena Manakate, bena Sora,

⁵⁵ kabidi ne meku a bena Yabese, bavua bamanye mukanda: ke bena Tirati, bena Shimati ne bena Sukati. Bantu bonsu aba mbena Kayine, ndelanganyi ya Amate, nkambua wa bena Rekabe.