Yoshua 12 - Mukanda wa Nzambi Dihungila Dikulukulu ne Dihungila Dihia-dihia 2003

Bakelenge Bakadi Mose Muhite Bukole

¹ Au mmena a bakelenge ba buloba bakashihabo kudi Bena Isalele, ne bakanyengabo buloba buabo dishiya dia Yadene kudi kuhatukila diba, ku tshibanda tshia Ânona tô ne ku mukuna wa Hêmona, ne buloba buonso bua Alabâ bua ku esete:

² Sihona, mukelenge wa Bena Amole, wakadi mushikame mu Heshebona, ne wakadi mukokeshe ku Aloe udi ku muelele wa tshibanda tshia Ânona, ne musoko udi munkatshi mua tshibanda, ne tshituha tshia Gilada tô ne ku musulu wa Yaboka, mukalu wa Bena Amona;

³ ku Alabâ tô ne ku mai a Kinelota a ku esete tô ne ku mai a Alabâ, Dishiba dia Luehu mene, a ku esete mu nshila wa ku Bete-yishimota; ne ku luseke lua ku Sude, kuinshi kua mukuna wa Pisega;

⁴ tô ne ku mukalu wa Oga, mukelenge wa Bashana, ne wa bakadi bashala ba Bena Lefa bakadi bashikama mu Ashetalota ne mu Edelei,

⁵ wakadi mubakokeshe mu mukuna wa Hêmona ne mu Saleka, ne mu Bashana mujima tô ne ku mukalu wa Bena Geshû ne Bena Mâka ne tshituha tshia Gilada udi ku mukalu wa Sihona, mukelenge wa Heshebona.

⁶ Mose, muntu wa Yehowa, ne Bena Isalele bakabashiha; ne Mose, muntu wa Yehowa, wakamuha Bena Lubena ne Bena Gada ne tshituha tshia tshisamba tshia Manashe bu buhianyi buabo.

Bakelenge Badi Yoshua Muhite Bukole

⁷ Au mmena a bakelenge ba buloba bakashihabo kudi Yoshua ne Bena Isalele ku luseke lua wesete lua Yadene, ku Bâla-gada mu tshibanda tshia Lebanona tô ne ku mukuna wa Halaka mu nshila wa ku Sei; Yoshua wakabuabanyina bisamba bia Bena Isalele bu buhianyi buabo, bu muakatahuluilabo bisamba;

⁸ mu buloba bua ku mikuna, ne bua mu bibanda ne bua mu Alabâ, ne buloba bua ku tukuna, ne bua mu tshihela, ne bua mu Sude; Bena Hiti ne Bena Amole ne Bena Kanâna ne Bena Pelizi ne Bena Hiwi ne Bena Yebuse:

⁹ mukelenge umue wa mu Yeleko, mukelenge umue wa mu Ai hehi ne Betele,

¹⁰ mukelenge umue wa mu Yelushalema ne mukelenge umue wa mu Hebelone,

¹¹ mukelenge umue wa mu Yâmuta, mukelenge umue wa mu Lakisha,

¹² mukelenge umue wa mu Egelona, mukelenge umue wa mu Gezê,

¹³ mukelenge umue wa mu Debî, mukelenge umue wa mu Gedê,

¹⁴ mukelenge umue wa mu Homa, mukelenge umue wa mu Alada,

¹⁵ mukelenge umue wa mu Libina, mukelenge umue wa mu Adulama,

¹⁶ mukelenge umue wa mu Makeda, mukelenge umue wa mu Betele,

¹⁷ mukelenge umue wa mu Tapua, mukelenge umue wa mu Hefê,

¹⁸ mukelenge umue wa mu Afeke, mukelenge umue wa mu Lashalona,

¹⁹ mukelenge umue wa mu Malona, mukelenge umue wa mu Hasô,

²⁰ mukelenge umue wa mu Shimelona-melona, mukelenge umue wa mu Akasafa,

²¹ mukelenge umue wa mu Tanaka, mukelenge umue wa mu Megido,

²² mukelenge umue wa mu Kedeshe, mukelenge umue wa mu Yokenama mu Kâmele,

²³ mukelenge umue wa mu Dô ku mukuna wa Dô, mukelenge umue wa mu Goyima mu Gilegala,

²⁴ mukelenge umue wa mu Tîsa: bakelenge bonso makumi asatu ne umue.