Rute 1 - Mukanda wa Nzambi Dihungila Dikulukulu ne Dihungila Dihia-dihia 2003

Luta ne Naomi

¹ Mu matuku a, hakadi balumbuluishi balumbuluisha bilumbu, tshiole tshiakadi mu buloba Muntu mukuabo wakumuka mu Beteleheme-yuda, wakaya bua kushikameye mu buloba bua Moaba, ne yeye ne mukashi wandi ne bana bandi ba balume babidi.

² Dina dia muntu eu diakadi Elimeleke, ne dina dia mukashi wandi diakadi Naomi, ne mena a bana bandi ba balume babidi akadi Malona ne Kiliona, bakadi Bena Efelata ba mu Beteleheme-yuda. Bakalua mu buloba bua Moaba, bakashikamamu.

³ Elimeleke, bayandi wa Naomi, wakafua, yeye wakashala nkayandi ne bana bandi balume babidi.

⁴ Bobo bakabaka bakashi ba Bena Moaba, dina dia mukuabo, Ôpa, ne dia mukuabo Luta, bakashikamamu bu bidimu dikumi.

⁵ Malona ne Kiliona bakafua, bubudi buabo, mukashi eu wakashala nkayandi kayi ne bana bandi, kayi ne bayandi.

⁶ Hashishe yeye wakabika ne ba mamuenʼandi bua kumukeye mu buloba bua Moaba, bualu bua yeye wakamana kunvua lumu mu buloba bua Moaba ne, Yehowa wakashala kuhingana kudi bantu bandi bua kubaheye bia kudia kabidi.

⁷ Yeye wakumuka ku muaba wakadiye ne bamamuenʼandi babidi bakadi nʼandi, bakaya mu nshila bua kuhinganabo mu buloba bua Yuda.

⁸ Naomi wakambila bamamuenʼandi babidi ne, Yai bienu, nuhingane mukuabo ku nsubu wa mamu wandi, mukuabo ku nsubu wa mamu wandi, Yehowa anuenzele malu a kalolo bu munuakenzela ba mufu ne meme kabidi.

⁹ Yehowa anuvuishe bubidi buenu ditalala mu nsubu ya babayenu. Hashishe yeye wakatuangana nʼabo mishiku, bakabandisha mei abo, bakadila.

¹⁰ Kadi bobo bakamuambila ne, Nansha, netuhingane nʼebe kudi bana benu.

¹¹ Naomi wakabambila ne, Bana banyi, nu hingane, nuyaya nʼanyi bua tshinyi? Ntshidi ne bana ba balume munda muanvi bua bobo bikale babayenu, anyi?

¹² Bana banyi, nuhingane, yai mu nshila wenu meme nakamana kuhita bununu bua kubakibua kabidi. Bua meme kuamba ne, Ndi ne ditekemena bua kuikala ne mulume butuku ebu bua kundelesheye bana ba balume kabidi,

¹³ nuenu nenuitabushe bua kubindila to ne hakoldbo, anyi? Nuenu nenuhidie balume bakuabo, anyi? Nansha, bana banyi, mutshima wanyi udi utamba kunyingalala bualu buenu, bualu bua Yehowa wakateka tshianza tshiandi kundi.

¹⁴ Bakabandisha mei abo, bakadila kabidi, Ôpa wakatuangana ne mamuenʼandi mishiku, kadi Luta wakamulamata.

¹⁵ Yeye wakamuambila ne, Mona, mukenʼebe wakahingana kudi bana babo ne kudi nzambi wandi, wewe ulonde mukenʼebe.

¹⁶ Luta waka mba ne, Kunsengeledi bua meme kukushiya ne bua kuhingana tshikulondi, nenye kuwaya, nendale kuwalala, bantu bebe nebikale bantu banyi ne Nzambi webe neikale Nzambi wanyi,

¹⁷ nenfue kuwafua, nenjikibuehu kabidi, bialua tshintu tshikuabo hankatshi hetu bua kutuhandulula, anu lufu nkayalu, Yehowa angenzele muonso muenzeye tô ne ha mutu.

¹⁸ Hakamoneye ne yeye wakakolesha mutshima wandi bua kuyeye nʼandi, yeye wakalekela kuyikila nʼandi.

¹⁹ Nunku bubidi buabo bakahingana ku Beteleheme Hakaluabo ku Beteleheme bena musoko bonso bakadi basasakata bualu buabo bamba ne, Eu nNaomi, anyi?

²⁰ Yeye wakabambila ne, Kanumbikidi ne Naomi kabidi, numbikile ne Mala, budlu bua Nzambi wa Bukole Buonso wakatamba kuhkengesha.

²¹ Nakaya tente, ne Yehowa wakampingasha kuetu bituhu, nudi numbikidila ne Naomi bua tshinyi, bualu bua Yehowa wakampisha ne Wa Bukole Buonso wakankengesha?

²² Nunku Naomi wakahingana ne Luta, Muena Moaba mamuenʼandi, bafume ku buloba bua Moaba, bakalua ku Beteleheme ku tshibangidilu tshia tshidimu tshia kunowabo orge.