Osheya 3 - Mukanda wa Nzambi Dihungila Dikulukulu ne Dihungila Dihia-dihia 2003

Hoshea ne Mukashi wa Masandi

¹ Yehowa wakangambila ne, Ya kabidi, nanga mukashi udi munangibue kudi mulunda wandi ne udi muena masandi, bu mudi Yehowa unanga Bena Isalele, nansha bobo bafila mitshima yabo kudi nzambi mikuabo ne bananga mikata ya tumuma tua nvinyo.

² Nunku nakamusela ku bituha bia argent dikumi ne bitanu, ne ku homer ne tshituha tshia hankatshi tshia homer bia matete a orge.

³ Nakamuambila ne, Bûdi nʼabu mbua kuikala muena kuanyi matuku a bungi; kulondi malu a masandi, kuikadi mukashi wa muntu mukuabo; ne meme nengikale muomumue kûdi.

⁴ Bualu bua Bena Isalele nebashale matuku a bungi kabayi ne mukelenge, kabayi ne mukokeshi, kabayi ne milambu mishihela Yehowa, kabayi ne dikunshi dia tshijila, kabayi ne tshilamba tshia efoda, ne kabayi ne telafima.

⁵ Hashishe, Bena Isalele nebahingane ne nebakebe Yehowa Nzambi wabo ne Davidi mukelenge wabo; nebalue kudi Yehowa ne ditshina, ne ku buimpe buandi mu matuku adi alua.