Nsumuinu 12 - Mukanda wa Nzambi Dihungila Dikulukulu ne Dihungila Dihia-dihia 2003

¹ Udi unanga diyisha didi dimuludikila nshila udi unanga lungenyi, kadi udi ukina kubedibua kuandi udi mujibale.

² Muntu muimpe udi uheta diakalengele kudi Yehowa, kadi yeye udi uhisha muntu udi uhangidisha malu mabi.

³ Muntu kena mushindame ku malu mabi, kadi muji wa bantu bakane kawena unyungishibua.

⁴ Mukashi udi ne tshikadilu tshimpe udi tshifulu tshia butumbi kudi bayandi, kadi mukashi udi umufuisha bundu udi ubolesha mifuba yandi.

⁵ Meji adi bakane bahangidisha adi malulame, kadi malu adi bantu babi bahangidisha adi a mashimi.

⁶ Mei a bantu babi adi bu kualamina bua kumatshisha mashi hanshi, kadi mukana mua bantu bakane mudi muhandisha bantu.

⁷ Badi babutula bantu babi; bantu babi kabenaku kabidi; kadi nsubu wa bantu bakane neajalame.

⁸ Badi banyisha muntu muakane bu mudi meji andi, kadi badi bahetula muntu udi ne mutshima wa tshishiku.

⁹ Muntu udi muhuekele, udi kayi mumanyibue, udi udikuatshila mudimu, udi ne diese ditamba dia muntu udi uditumbisha kadi udi ukengela bia kudia.

¹⁰ Muntu muakane udi welela muoyo wa tshimuna tshiandi meji, kadi mitshima ya bantu babi idi ne lukisu.

¹¹ Udi udima budimi buandi neikale ne bia kudia bia bungi, kadi udi ulonda malu a hatuhu kena ne lungenyi.

¹² Bantu babi badi basamina muoyo ku bintu bidi benji ba malu mabi banyenga, kadi muji wa bantu bakane udi ukuama mamuma.

¹³ Muntu mubi udi ukuatshika mu buteyi bua mei mabi a ku mishiku yandi, kadi muntu muakane udi uhanduka mu dikenga.

¹⁴ Muntu udi uheta diakalengele ku mei makane a mukana muandi, ne bienzedi bidi bianza bia muntu bienza nebihingane kudiye.

¹⁵ Nshila udi muhote wenda udi muimpe ku mesu kuandi, kadi udi unvua lungenyi ludibo bamulesha udi ne meji.

¹⁶ Tshiji tshia muhote tshidi tshimanyibua lukasa, kadi muntu mudimuke udi ubuikila tshihendu.

¹⁷ Udi wamba mei malelela udi umanyisha bulumbuluishi buakane bua tshilumbu, kadi mumanyi wa mashimi udi wamba mei adi abadinga.

¹⁸ Muntu udi wamba mei a tshiakulakula adi ataha bu muele wa nvita, kadi ndimi ya bena meji idi isangasha bantu.

¹⁹ Muntu udi wamba mei malelela neashaleku kashidi, kadi udi wamba mei a mashimi udiku anu katuha kihi.

²⁰ Mashimi adi mu mitshima ya badi bahangidisha malu mabi, kadi badi bajingila bantu ditalala badi ne disanka.

²¹ Kakuena bualu bubi buakuata muntu muakane, kadi bantu babi badi bûle tente ne diakabi.

²² Mishiku idi yamba mashimi idi itondesha Yehowa, kadi badi benza malu a bushuwa badi bamusankisha.

²³ Muntu mudimuke udi usokoka lungenyi luandi, kadi meji a bahote adi asokolola buhote buabo.

²⁴ Tshianza tshia muena disuminyina netshikokeshe, kadi nebenzeshe bafuba mudimu ku bukole.

²⁵ Lutatu mu mutshima wa muntu ludi lumunemeshila bujitu, kadi dî dia luse didi dimusangulusha.

²⁶ Muntu muakane udi ulombola muena mutumba nʼandi, kadi bienzedi bia bantu babi bidi bibahambuisha.

²⁷ Muntu mufuba kena ukuata tshidiye ulemba, kadi muena disuminyina neahete biuma bia mushinga mukole.

²⁸ Mu nshila wa buakane mudi muoyo, kadi mu nshila wa bubi mudi lufu.