Nehemya 10 - Mukanda wa Nzambi Dihungila Dikulukulu ne Dihungila Dihia-dihia 2003

¹ Bantu bakateka tshimanyinu tshiabo ku tshihungidi bakadi Nehemiya gouverneur, muana wa Hakaleya, ne Sedekiya,

² Selaya, Azaya, Yelemiya,

³ Pashû, Amalia, Malakiya,

⁴ Hatusha, Shebanya, Maluki,

⁵ Halima, Melemota, Obadaya,

⁶ Danyele, Ginetona, Baluka,

⁷ Meshulama, Abiya, Miyamina,

⁸ Mâzaya, Bilegai, ne Shemaya: aba bakadi bakuidi.

⁹ Bena Lewi; Yeshua, muana wa Azanaya, ne Binui, umue wa bana ba Henadada, ne Kadamiele,

¹⁰ ne bana babo, Shebanya, Hodiya, Kelita, Pelaya, Hanana,

¹¹ Mika, Lehoba, Hashabeya,

¹² Zaku, Shelebaya, Shebanya,

¹³ Hodiya, Bani ne Beninu.

¹⁴ Bakadi ku mutu kua bantu: Palosha, Pahata-moaba, Elama, Zatu, Bani,

¹⁵ Buni, Azagada, Bebai,

¹⁶ Adoniya, Bigewai, Adina,

¹⁷ Atê, Hezikiya, Azû,

¹⁸ Hodiya, Hashuma, Bezai,

¹⁹ Halifa, Anatota, Nobai,

²⁰ Magapiasha, Meshulama, Hezi,

²¹ Meshezabele, Zadoka, Yadua,

²² Pelataya, Hanana, Anaya,

²³ Hoshea, Hananya, Hashuba,

²⁴ Halohesha, Pileha, Shobeka,

²⁵ Lehuma, Hashabena, Mâseya,

²⁶ Ahia, Hanana, Anana,

²⁷ Maluki, Halima ne Bâna.

²⁸ Bantu bakuabo ne bakuidi ne Bena Lewi ne batuadi ba majitu ne bimbi ba misambu ne Bena Netinima ne bonso bakadilamununa kudi bena buloba bua kulondabo mikenji ya Nzambi ne bakashi babo ne bana babo balume ne bana babo bakashi ne muntu yonso wakadi ne lungenyi lua kujingulula malu

²⁹ bakalamata kudi bana babo ne kudi bantu babo banene, bakadiela mulau, bakaditshiha bua kulondabo mikenji ya Nzambi yakabambileye kudi Mose, muntu wa Nzambi, ne bua kutumikilabo mikenji yonso ya Yehowa, Mukelenge wetu, ne mikenji yandi mijalame ne mei andi mafunda.

³⁰ Katufidi bana betu bakashi kudi bena buloba, katuangatshidi bana betu balume bakashi kudibo;

³¹ bialua bena buloba kutudi ne bintu biabo anyi blé yabo bua kutubanyishabi dituku dia lumingu, katuena tubiula dituku dia lumingu anyi dituku dikuabo dia tshijila; netujile tshidimu tshia muanda mutekete, netulekelelangane mabanza.

³² Tuakadielela mikenji kabidi bua kufila tshituha tshia nshekele bua mudimu wa mu nsubu wa Nzambi wetu ku tshidimu ku tshidimu;

³³ ne bua kufila bintu bia mampa ne bia mulambu wa bukula ne bia dituku dia lumingu ne bia ngondo mihia-mihia ne bia bidia bia disanka ne bia bintu bia tshijila ne bia milambu ya kubuikidila nʼai Bena Isalele mibi yabo ne bia mudimu wonso wa mu nsubu wa Nzambi wetu.

³⁴ Tuetu ne bakuidi ne Bena Lewi ne bantu tuakela nshobo bua mulambu wa nkunyi bua kulua nʼau mu nsubu wa Nzambi wetu, bu muakadi biota bia batatuʼetu bua kuwosha ha tshioshelu tshia Yehowa Nzambi wetu mu bikondo biakasungulabo ku tshidimu ku tshidimu, bu muakafundabo mu mikenji;

³⁵ ne bua kulua ne bintu bia diambedi bia mu buloba buetu ne mamuma a diambedi a mitshi yonso, ku tshidimu ku tshidimu, mu nsubu wa Yehowa;

³⁶ ne bua kulua ne banʼa bute ba bana baledibue ne ba bimuna, bu muakadibo bafunde mu mikenji, ne ba ngombe ne ba mikoko, mu nsubu wa Nzambi wetu kudi bakuidi badi benza mudimu mu nsubu wa Nzambi wetu;

³⁷ ne bua kulua ne bintu bia diambedi bia mampa etu ne bia milambu ya kukuha ne bia mamuma a mitshi yetu yonso ne bia nvinyo mihia-mihia ne bia manyi mahia-mahia kudi bakuidi mu nsubu wa Nzambi wetu; ne bua kulua kudi Bena Lewi ne tshia dikumi tshia bintu bionso bidi bimena mu buloba buetu; bualu bua Bena Lewi batu bangata tshia dikumi tshia bintu bietu bidi bimena mu buloba mu misoko yonso.

³⁸ Muakuidi, muana wa Alona, neikale ne Bena Lewi hangatabo tshia dikumi; Bena Lewi nebalue ne tshia dikumi tshia mu bintu bia tshia dikumi, mu nsubu wa Nzambi wetu mu tshibutshilu tshiandi.

³⁹ Bualu budi Bena Isalele ne Bena Lewi nʼabu mbua kulua ne milambu ya bintu bidibo bakuha bia blé ne ya nvinyo mihia-mihia ne ya manyi mu nsubu idi bintu bia tshijila, ne kudi bakuidi badi benza mudimu, ne kudi batuadi ne kudi bimbi ba misambu; katuena tulekela nsubu wa Nzambi wetu.