Misambu 67 - Mukanda wa Nzambi Dihungila Dikulukulu ne Dihungila Dihia-dihia 2003

Ba Bisamba Bionso Batumbishe Nzambi

¹ Nzambi atufuile luse, atuvudishile disanka, atemeshe munya wa mpala wandi kutudi;

² bua nshila webe amanyibue ha buloba, ne luhandu luebe lumanyibue munkatshi mua bisamba bionso bia bantu.

³ Nzambi, ba ha buloba bakutumbishe; ba ha buloba bonso bakutumbishe.

⁴ Ba mu bisamba bia bantu bikale ne disanka, bimbe biabo misambu bua disanka diabo, bualu bua wewe udi ulumbuluisha bantu ne kulumbulula kuakane, udi ulombola bisamba bia bantu ha buloba.

⁵ Nzambi, ba ha buloba bakutumbishe, ba ha buloba bonso bakutumbishe.

⁶ Buloba buakukuamisha bintu biabu bivule; Nzambi, Nzambi wetu mene, neatuvudishile disanka.

⁷ Nzambi neatuvudishile disanka, ne bonso ba kunfudilu kua buloba nebamutshine!