Misambu 150 - Mukanda wa Nzambi Dihungila Dikulukulu ne Dihungila Dihia-dihia 2003Batumbishe Nzambi ne Biombelu 1 Tumbishai Yehowa! Tumbishai Nzambi mu muaba wandi wa tshijila; numutumbishe mu diulu didi dilesha bukole buandi! 2 Numutumbishe bua bienzedi biandi binene. Numutumbishe bu mudi bunene buandi buhite bunene! 3 Numutumbishe ne tshiona tshia dî dia mpungi; numutumbishe ne tshisanji ne lunzenze! 4 Numutumbishe ne mazele ne maja a disanka; numutumbishe ne biombelu bidi ne nshinga ne lushiba! 5 Numutumbishe ne biamu bidi bivuma, numutumbishe ne biamu bia kukumakasha bidi biakula ne tshiona tshikole! 6 Bintu bionso bidi bihuyakana bitumbishe Yehowa! Tumbishai Yehowa! |
Bible in Tshiluba © Bible Society of the Democratic Republic of Congo, 2003.
Bible Society of the Democratic Republic of Congo