Misambu 130 - Mukanda wa Nzambi Dihungila Dikulukulu ne Dihungila Dihia-dihia 2003

Badi Batekemena Buhikudi bua Yehowa

¹ Ndi ndila kûdi, Yehowa, mu dijimba dia kanyinganyinga mundi mushikame.

² Mukelenge, unvue dî dianyi. Matshu ebe ateleje dî dia kutendekena kuanyi.

³ Yehowa, bu wewe mubale dihambuka dia bantu, muntu kai wakadi mua kuimana, Mukelenge?

⁴ Kadi dibuikidila dia mibi didi kûdi, bua wewe unemekibue.

⁵ Ndi ngindila Yehowa, muoyo wanyi udi umuindile, ne mu dî diandi mundi ntekemena.

⁶ Muoyo wanyi udi windila Yehowa, mutambe dindila dia batentekedi badi bindila kutshia kua butuku; bulelela, mutambe dindila dia batentekedi badi bindila kutshia kua butuku.

⁷ Bena Isalele, nuikale ne ditekemena dienu mu Yehowa, bualu hua kudi Yehowa ke kudi luse lujalame, kudiye kudi buhikudi bukumbane kabidi.

⁸ Ne yeye neahikule Isalele ku dihambuka diandi dionso.