Misambu 129 - Mukanda wa Nzambi Dihungila Dikulukulu ne Dihungila Dihia-dihia 2003

Badi Balomba Dibutuka dia Bena Lukuna ba Siona

¹ Bakankengesha ku buana buanyi tô ne mpindiu — ba mu Isalele bambe nunku ne,

² Bakankengesha ku buana buanyi tô ne mpindiu, kadi kabakumpita bukole.

³ Bakadi badima ne lukasu lukoka kudi nyama bakendeshila lukasu ha nyima hanyi; bakalehesha nshila yabo.

⁴ Yehowa udi muakane; yeye wakakosa mionshi ya bantu babi.

⁵ Bonso badi bakina Siona bafuishibue bundu, batshungulushibue luanyima.

⁶ Bikale bu bisosa bibishe bidi bimena ha misaka ya nsubu, bidi bifubidila kabiyi bianze kudiunda;

⁷ bidi munowi kayi ubiusha mu tshianza tshiandi, ne musuiki wa bisumbu bia blé kayi ubiusha mu tshiadi tshiandi.

⁸ Badi bahita mu nshila kabidi kabena bamba ne, Disanka dia Yehowa dikale kunudi; tudi tunuvudishila disanka mu dina dia Yehowa.