Misambu 127 - Mukanda wa Nzambi Dihungila Dikulukulu ne Dihungila Dihia-dihia 2003

Diakalengele ne Tunkanunuina Bidi Bifuma kudi Yehowa

¹ Bikala Yehowa kayi wasa nsubu, badi bamuasa badi bakuata mudimu eu hatuhu. Bikala Yehowa kayi ulama musoko, mutentekedi udi utabala hatuhu.

² Ebu mbualu bua hatuhu ne, Nudi nubika hatshiatshia, nudi nunenga ha kulala butuku, nudi nudia bidia binuakukuatshila mudimu mukole; bualu bua yeye udi ubifila kudi bananga bandi hatshidibo balala tulu.

³ Monai, bana badi buhianyi bufume kudi Yehowa, bana badi bahatuka munda mua mamu wabo badi difutu diandi.

⁴ Bu mudi mikete ya mu tshianza tshia muena bukitu, nunku mudi bana baledibue mu bunsongalume bua tatu wabo.

⁵ Disanka didi kudi muntu udi ne musaka wandi mule tente nʼabo! Kabena bamufuisha bundu hayikileye ne bena lukuna bandi mu tshibuelelu tshia ku musoko.