Misambu 122 - Mukanda wa Nzambi Dihungila Dikulukulu ne Dihungila Dihia-dihia 2003

Badi Balombela Yelushalema Ditalala

¹ Nakadi ne disanka hakungambilabo ne, Tuye mu nsubu wa Yehowa.

² Makasa etu atshidi mimane ku mishiku yebe ya mbelu, Yelushalema.

³ Yelushalema, udi muasa bu musoko udi ne nsubu yau mituangane bilengele.

⁴ Nkudi bisamba bibanda, bisamba bia Yehowa mene, bu muakadi mukenji muelela Bena Isalele, bua kusakidila dina dia Yehowa.

⁵ Bua bakajadikamu nkuasa ya bukelenge bua kukoselahu bilumbu, nkuasa ya bukelenge ya ba mu tshiota tshia Davidi.

⁶ Nulombele Yelushalema ditalala. Badi bakunanga bikale ne diakalengele.

⁷ Eli talalâ dikale munda mua ngumbu yebe, diakalengele dikale mu nsubu ya bakelenge bebe.

⁸ Bua malu a bana betu ne a balunda banyi, nengambe bianyi ne, Ditalala dikale munda muebe.

⁹ Bualu bua nsubu wa Yehowa, Nzambi wetu, nennukebele diakalengele.