Dibadika 19 - Mukanda wa Nzambi Dihungila Dikulukulu ne Dihungila Dihia-dihia 2003

Kulengesha kua Badi Kabayi Bakane

¹ Yehowa wakambila Mose ne Alona ne,

² Eu udi mukenji wakuela Yehowa ne, Nuambile Bena Isalele bua bobo balue kûdi ne muana wa ngombe mukunze, udi kayi ne ditoba anyi tshilema, udi kayi muanze kuya muinshi mua mutshi wa tshikokedi.

³ Nenumuhe Eleazâ muakuidi, yeye nealue nʼandi ku butshika bua tshitudilu, nebamushihe ku mesu kuandi,

⁴ ne Eleazâ muakuidi neangate mashi andi ku munu wandi, neamiamine mashi ku luseke lua tshibuelelu tshia ntenta wa kusambakena misangu muanda mutekete.

⁵ Umue wabo neoshe muana wa ngombe ku mesu kuandi, ne tshiseba tshiandi ne munyinyi wandi ne mashi andi ne tunvi tuandi:

⁶ ne muakuidi neangate mitshi ya cèdre, ne mabeshi a hysope, ne bintu bikunzubile, neabiele munkatshi mua kahia kadi kosha muana wa ngombe.

⁷ Hashishe muakuidi neuvuwe bilulu ne mubidi wandi ne mai, ne ku nyima nealue biandi mu tshitudilu, neikale bu muntu udi kayi muakane tô ne ku dilolo.

⁸ Muntu wakanuisha ne kahia neuvuwe bilulu biandi ne mubidi wandi ne mai, ne yeye neikale bu muntu udi kayi muakane tô ne ku dilolo.

⁹ Muntu udi muakane neasangishe butue buonso bua muana wa ngombe, neabuteke ku butshika bua tshitudilu ha muaba mutoke, nebabulamine tshisumbu tshia Bena Isalele bu mai a kulengesha hau bubi eu udi bu mulambu wa kubuikila nʼau bubi.

¹⁰ Muntu udi usangisha butue bua muana wa ngombe neuvuwe bilulu biandi, neikale bu muntu udi kayi muakane to ne ku dilolo eu udi mukenji wa Bena Isalele ne wa muenyi udi munkatshi muabo tô ne tshiendelele.

¹¹ Muntu udi ulenga bianza ha mubidi wa muntu mufue neikale bu muntu udi kayi muakane tô matuku muanda mutekete,

¹² yeye neadilengeshe ne mai au dituku disatu, ne halua dituku dia muanda mutekete yeye neikale muakane, kadi biahidieye kudilengesha dituku disatu, halua dituku dia muanda mutekete yeye kena wikala muakane.

¹³ Muntu yonso udi ulenga muntu mufue bianza, mubidi wa muntu mumane kufua, ne kena udilengesha, yeye udi wona nsubu wa Yehowa, nebamumushe munkatshi mua Bena Isalele, bualu bua kabakamumiamina mai a kumulengesha nʼau, yeye kena wikala muakane, ne bubi buandi butshidi hamʼbidi handi.

¹⁴ Eu udi mukenji wa hafuila mundi mu ntenta mundi yonso udi ubuela mu ntenta au, ne mundi yonso wakadi mu ntenta au neikale bu mundi udi kayi muakane tô matuku muanda mutekete.

¹⁵ Malonga onso a mu nsubu, adi kayi ne bibuikidi, neikale bu tshintu tshidi katshiyi tshiakane.

¹⁶ Muntu yonso wa mu budimi udi ulenga mundi wakafua ku muele wa nvita bianza, anyi mubidi wa mundi mufue, anyi mufuba wa mundi, anyi lukita, neikale bu mundi udi kayi muakane tô matuku muanda mutekete.

¹⁷ Muntu udi kayi muakane neangate butue bua mulambu wakoshabo bua kubuikila nʼau bubi, neangate mai adi ahueka mu dilonga:

¹⁸ mundi utshidi muakane neangate mabeshi a hysope, neâtue mu mai, neamiamine ha ntenta, ne ha malonga onso, ne ha bantu bonso bakadimu, ne mundi wakalenga mifuba tshianza, anyi mundi wakafua ku muele wa nvita, anyi mundi mufue, anyi lukita,

¹⁹ mundi utshidi muakane neamiamine mai ha mundi udi kayi muakane dî diku disatu ne dituku dia muanda mutekete, ne halua dituku dia muanda mutekete neamulengeshe, yeye neuvuwe bilulu biandi ne mubidi wandi ne mai, neikale muakane ku dilolo.

²⁰ Kadi mundi udi kayi muakane ne kena udilengesha, nebamumushe munkatshi mua tshisumbu, bualu bua yeye wakuona nsubu wa tshitendelelu, kabakamumiamina mai a kumulengesha nʼau, yeye kena muakane.

²¹ Eu newikale mukenji wa tshiendelele kudibo muntu udi umiamine mai a kubalengesha nʼau, neuvuwe bilulu biandi, muntu udi ulenga mai a kubalengesha nʼau tshianza neikale bu muntu udi kayi muakane tô ne ku dilolo.

²² Bintu bionso bidi muntu udi kayi muakane ulenga bianza nebikale bu bintu bidi kabiyi biakane, ne muntu udi ubilenga tshianza neikale bu muntu udi kayi muakane tô ne ku dilolo.