Dibadika 10 - Mukanda wa Nzambi Dihungila Dikulukulu ne Dihungila Dihia-dihia 2003

Mpungi ya Tshiamu tshia Argent

¹ Yehowa wakambila Mose ne,

² Enza biebe mpungi ibidi ya tshiamu tshia argent tshiakafulabo, wewe neubikile nʼai bantu bua kutendelela ne bua kubisha luendu.

³ Helabo mpungi, bantu bonso nebadisangishe kûb ku mbelu kua ntenta wa kusambakena.

⁴ Helabo mpungi umue, bakelenge ne bantu ba ku mutu kua binunu bia Bena Isalele nebadisangishe kûdi.

⁵ Hawela mpungi bikole, bantu ba mu bitudilu bia ku esete nebaye ku luendu luabo.

⁶ Hawela mpungi bikole tshiakabidi, bantu ba mu bitudilu bia ku sude nebaye ku luendu luabo, bobo nebele mpungi bikole bua luendu luabo.

⁷ Biwasua kusangisha bantu hohamue, wewe newele mpungi, kadi kuedi bikole nansha.

⁸ Bana balume ba Alona bakuidi nebele mpungi, mpungi neyikale bu mukenji, ku bikondo bienu bionso tshiendelele.

⁹ Hanuaya kusangana mba ne bantu badi banukengesha mu buloba buenu, nenuele mpungi bikole, nenuikale nuvulukibua ku mesu kua Yehowa, Nzambi wenu, nenusungidibue kudi bantu badi nʼenu lukuna.

¹⁰ Mu dituku ba disanka dienu, ne mu bikondo binudi nudia bidia bia Yehowa, ne mu tshibangidilu tshia ngondo yenu, nenuele mpungi ku milambu ya kuosha ha kahia, ne ku milambu ya kuvuisha nʼai ditalala, neyikale bu tshivulukidi ku mesu kua Nzambi wenu meme ndi Yehowa, Nzambi wenu.

Bena Isalele Badi Bumuka ku Sinai

¹¹ Mu tshidimu tshibidi, mu ngondo muibidi, mu matuku makumi abidi a ngondo eu, ditutu bakumuka ku mutu kua ntenta wa dimanyisha ba Yehowa.

¹² Bena Isalele bakaya ku mpala ku luendu luabo mu tshihela tshia Sinai, ditutu bakimana mu tshihela tshia Palana.

¹³ Bakaya ku luendu luabo lua kumudilu bu muakambila Yehowa Mose.

¹⁴ Bena Yuda bakaya ku mpala ne dibendele dia tshitudilu tshiabo, Nashona, muana mulume wa Aminadaba, wakadi ku mutu kuabo.

¹⁵ Netanele, muana mulume wa Suâ, wakadi ku mutu kua Bena Yisakâ.

¹⁶ Eliaba, muana mulume wa Helona, wakadi ku mutu kua Bena Zebuluna.

¹⁷ Bakatulula nsubu wa tshitendelelu hanshi, ne bana balume ba Gêshona ne bana balume ba Melali, bakadi batuala nsubu, bakaya ku mpala.

¹⁸ Bakaya ne dibendele ba tshitudilu tshia Lubena, ne Elisû, muana mulume wa Shedeu, wakadi ku mutu kuabo.

¹⁹ Shelumiele, muana mulume wa Sulishadai, wakadi ku mutu kua tshisamba tshia bena Shimeona.

²⁰ Eleyasafa, muana mulume wa Deuele, wakadi ku mutu kua tshisamba tshia Bena Gada.

²¹ Bena Kohata bakaya ku mpala batuale bintu bia mu nsubu wa tshijila, ne bakuabo bakashimika nsubu wa tshitendelelu diambedi bobo kabayi banze kulua.

²² Bakaya ne dibendele dia tshitudilu tshia Bena Efelayima, ne Elishama, muana mulume wa Amihuda, wakadi ku mutu kuabo.

²³ Gamaliele, muana mulume wa Pedasû, wakadi ku mutu kua tshisamba tshia Bena Manashe.

²⁴ Abidana, muana mulume wa Gideoni, wakadi ku mutu kua tshisamba tshia Bena Benyamina.

²⁵ Bakaya ne dibendele dia tshitudilu tshia Dana, bobo bakadi halua ku nyima kua bakuabo, bakaya ku luendu luabo ku bisumbu biabo, ne Ahiezê, muana mulume wa Amishadai, wakadi ku mutu kuabo.

²⁶ Pagiele, muana mulume wa Okelana, wakadi ku mutu kua tshisamba tshia Bena Ashê.

²⁷ Ahila, muana mulume wa Enana, wakadi ku mutu kua tshisamba tshia Bena Nafatale.

²⁸ Ei ngendu ya Bena Isalele ku bisumbu biabo, bakaya ku mpala.

²⁹ Mose wakambila Hobaba, muana mulume wa Luele, Muena Midiyana, tatuʼandi-muenu wa Mose ne, Tutshidi tuya ku muaba wakamba Yehowa ne, Nennuheu, uye nʼetu, netukuenzele bimpe, bualu bua Yehowa wakalaya Bena Isalele bualu buimpe.

³⁰ Yeye wakamba ne, Tshiena nya, nempingane kuetu kudi bana betu.

³¹ Yeye wakamuambila ne, Kutushiyi, ndi nkusengelela, bualu bua wewe udi mumanye ne, Tuetu netuikale mu tshihela, wewe newikale bu mesu etu.

³² Biwaya biebe nʼetu, hashishe bikala Yehowa mutuenzele bimpe, tuetu netukuenzele bimpe.

³³ Bakabika ku mukuna wa Yehowa, bakaya mu luendu matuku asatu, ne mushete wa tshihungidi tshia mei a Yehowa wakaya ku mpala kuabo matuku asatu bualu bua kubakebela muaba wa kuikisha.

³⁴ Ditutu dia Yehowa diakadi ku mutu kuabo mu munya, hakumukabo ku tshitudilu tshiabo.

³⁵ Hakaya mushete ku mpala, Mose wakamba ne, Yehowa, bika biebe, bantu badi nʼebe lukuna batangadishibue, bantu badi nʼebe tshiji banyeme ku mesu kuebe.

³⁶ Hakikisha mushete, yeye wakamba ne, Yehowa, uhingana biebe kudi binunu bia binunu bia Bena Isalele.