Tisimu 93 - Tshwa Bible

Jehova wa fuma.

¹ Jehova wa fuma, i ambele wukulu; Jehova i ti ambexile ntamu, a wu boha, Hikwalaho a misava yi tiyisilwe, a yi tsekatseka

² A xitshamu xa wena xa wuhosi xi tiyile kusukela kaleloko, Wena u wa wupinzukelwa. Isa. 44:6

³ Jehova, a mintalo yi tlakusile, A mintalo yi tlakusile magezu ya wona, Futsi, yi tlakusile a kudzuma ka yona.

⁴ Ku hunza a magezu ya mamati, Ku hunza mabyandlati ya bimbi, Jehova wa le hehla i na ni ntamu ku hunza zona.

⁵ A wumboni ga wena gi tsumbekile nguvu, A kubasa ku fanele a yindlu ya wena, Kala kupinzuka, O Jehova!