Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Tisimu 44 - Tshwa Bible


Nungungulu u hi cukumetile.
Ka muchuli hi kota ya Vana va Kora, Maxili.

1 Nungungulu, hi zi zwile hi tindleve ta hina, A vadadani va hina va hi byelile Hi mitiro leyi u yi tirileko masikwini yabye, A masikwini ya kale ka matiko. Deut. 6:20

2 U lo hlongola a vamatiko hi canja ga wena, Kanilezi vona u va zimekile; U lo mbhetisa matiko manwani, kasi vona va fela ku enzeleka. Ekso. 15:17

3 Hakuva a va kumangi tiko hi matlhari yabye, A va hlulangi hi mawoko yabye, Kanilezi hi canja ga wena ga xinene, ni woko ga wena, Ni kuvaninga ka nghohe ya wena, hakuva u lo xalala ha vona. Ekso. 33:14; Mitse. 6:25; Jox. 24:12

4 Nungungulu, wena u hosi ya mina, Leletela a kuhlula ka Jakobe.

5 Hi kota ya wena hi ta wisa valala va hina; A vitweni ga wena hi ta kanzihela lava va hi vukelako.

6 Hakuva a nzi tsumbi a wura ga mina, Hambu a supado ya mina yi nga ta nzi ponisa. 1 Sam. 17:39

7 Kanilezi hi wena u hi ponisako ka valala va hina, U va wisa tingana lava va hi vengako.

8 Gontlhe siku hi ti kukumukisa ha Nungungulu; Hi ta khesa a vito ga wena kala kupinzuka. (Sela.)

9 Hambu zi hi tano, u hi cukumetile, u hi wisa tingana, A ka ha humi ni tiyimpi ta hina.

10 U hi tlhelisile nzhako a mahlweni ka valala va hina; Ni lava va hi vengako va hi phanga.

11 Wena wa hi nyikela kukotisa a tiyivu leti ti giwako; U hi hangalasa xikari ka vamatiko.

12 U xavisa a vanhu va wena hi nyalidede, A ku anzisangi a kufuma ka wena hi tsengo wabye. Deut. 32:30; Vala. 2:14; Ezek. 30:12

13 Wena u lo hi maha a xiruko ka vaakelwane va hina; Hi tseketselwa ni ku hlekiwa hi lava va hi ranzelako.

14 U hi mahile a vingu xikari ka matiko, A vamatiko va hi zivizela tihloko.

15 A siku gontlhe a litsanwa la mina li le mahlweni ka mina, Ni tingana ti fenengetile a nghohe ya mina,

16 Loku nzizwa gezu ga loyi a nzi rukako, a wula nzhukano ha mina, Ni loku nzi wona a nala ni muphoteli.

17 Zontlhe lezo zi hi humelele, kanilezi a hi ku rivalangi; Hambu a ku tshova a xivumelwano xa wena.

18 A timbilu ta hina a ti ku fularelangi, Ni mikonzo ya hina a yi hambukangi ndleleni ya wena,

19 Lezi u hi tshovileko wutshanwini ga mahlolwa, U hi sireta hi nzhuti wa kufa.

20 Loku hina hi wa rivele a vito ga Nungungulu wa hina, Hi nawuluta a mawoko ya hina ka nungungulu mumbe,

21 Xana Nungungulu a wa nga zi tivangi ke? Hakuva wa tiva a mifihlakalo ya mbilu.

22 Kunene, hi kota ya wena ha dawa siku gontlhe, Hi hlayelwa kota tiyivu ti yako kutlhabyiweni. Rom. 8:36

23 Vuka, Hosi! hi yini u etlelako ke? Vuka, u nga hi hoxeli magumo. Mat. 8:24

24 Hikuyini u fihlako a nghohe ya wena, U rivala a kuhlokiswa ni kutsimbeketwa ka hina ke?

25 Hakuva a mihefemulo ya hina yi koramisilwe lahasi tshurini; A mimiri ya hina yi na su canjala misaveni.

26 Vuka, u hi vuna; Hi hlangute hi kota ya wunene ga wena!

Tshwa Bible © Bible Society in Mozambique, 1972, 2007.

Bible Society of Mozambique
ကြှနျုပျတို့နောကျလိုကျပါ:



ကြော်ငြာတွေ