Sumu 128 - Tonga Bible 1986

Mwaŵi pa kopa Ambuya

Sumu ya makwerero

¹ Ngwakutumbikika yose yo watopa Ambuya, yo watenda mu nthowa zawo.

² Mukarghanga vipasi vya nchitu ya manja ghinu; kukamuŵiyaninga umampha, ndipo mukakondwanga.

³ Muwoli wako wakaŵanga nge ndi mphereska yakupasa mu nyumba yako; ndipo ŵana ŵako ŵakaŵanga ulaka ndi mphanda za ma olive kuzunguliya gome lako.

⁴ Ehe, ndimo wakatumbikikiyanga viyo munthu yo wavwiya Ambuya.

⁵ Ambuya akutumbike kutuwa ku Zioni! Mazuŵa ghose gha umoyo wako uwone umampha wa Yerusalemu.

⁶ Uŵi ndi umoyo uwone ŵazuku ŵako! Chimangu chiŵiye Yisraele!