Nehemiya 11 - Tonga Bible 1986

Ŵanthu ŵanyake ŵaja mu Yerusalemu ndi ŵanyake mu mizi yinyake

¹ Sono ŵarongozgi ŵa ŵanthu ŵajanga mu Yerusalemu; ndipo ŵanthu wose ŵanguchita mphenduzga kutuzgamo yumoza mwaku ŵa chumi kwachija mu Yerusalemu, msumba wakupaturika, penipo ŵankhonde ndi ŵanayi ŵangujaliriya mu mizi yinyake.

² Ndipo ŵanthu ŵangutumbika wo wose ŵangujipereka kwachija mu Yerusalemu.

³ Yaŵa ndiwo ŵaraŵara ŵa vigaŵa ŵeniwo ŵajanga mu Yerusalemu; kweni mu mizi yaku Yuda munthu we yose wajanga pa malo mweneko, mu mizi yawo: Yisraele, ŵazukuru, ŵaLevi, ŵateŵeti ŵa kasopi, ndi ŵamphapu ya ŵateŵeti ŵaku Solomoni.

⁴ Ndipo mu Yerusalemu ŵajangamo ŵana ŵanyake ŵaku Yuda ndi ŵa ŵana ŵaku Benjamini. Ŵa ŵana ŵaku Yuda! Ataiya mwana waku Uziya, mwana waku Zekariya, mwana waku Amariya, mwana waku Shefatiya, mwana waku Mahalele, mwana waku Pereze;

⁵ ndi Maseiya, mwana waku Baruku, mwana waku Kolhoze, mwana waku Hazai, mwana waku Adaya, mwana waku Joiribi, mwana waku Zekariya, mwana waku Shilonite.

⁶ Ŵana wose ŵaku Pereze ŵeniwo ŵajanga mu Yerusalemu ŵenga machumi pe chumi ghanayi ndi machumi gha nkhonde ndi limoza pachanya ŵankhonde ndi ŵatatu (468) ŵanthu vilimbi.

⁷ Ndipo yaŵa mbana ŵaku Benjamini: Salu mwana waku Masulama, mwana waku Yoede, mwana waku Pedayi, mwana waku Kolaya, mwana waku Maseiya, mwana waku Itiele, mwana waku Yeshayi.

⁸ Ndi ŵapavuli pake Gibai, Salai, machumi pe chumi ghankhonde ndi ghanayi ndi machumi ghaŵi pachanya ŵankhonde ndi ŵatatu (928).

⁹ Yoele mwana waku Zikri wenga wakuŵawona wawo; ndi Yuda mwana waku Hasemuya wenga wachiŵi pa mtufu wa msumba.

¹⁰ Ŵazukuru: Yedaiya mwana waku Yoiyaribu, Yachini,

¹¹ Seraya mwana waku Hilkia, mwana waku Meshulani, mwana waku Zadoki, mwana waku Meraloto, mwana waku Ahitubu, mweruzgi wa nyumba yaku Chiuta,

¹² ndi ŵabali ŵawo wo ŵachitanga nchitu ya nyumba yo machumi pe chumi ghakhonde ndi ghatatu ndi machumi ghaŵi pachanya ŵaŵi; ndi Adaia mwana waku Yerohamu, mwana waku Pelalia, mwana waku Amzi, mwana waku Zekariya, mwana waku Pashuru, mwana waku Malkiya,

¹³ ndi ŵabali ŵake, mitu ya zinyumba za auskeu, machumi pe chumi ghaŵi ndi machumi ghanayi pachanya ŵaŵi (242); ndi Amashasai, mwana waku Azarele, mwana waku Azai mwana waku Meshilemoti, mwana waku Imeri,

¹⁴ ndi ŵabali ŵawo, ŵanthurumi ŵakulimba ndi ŵanthazi machumi pe chumi ndi machumi ghaŵi pachanya ŵankhonde ndi ŵatatu (128) wakuŵawona wawo wenga Zabdiele mwana waku Hagedelimi.

¹⁵ Ndipo ŵa ŵaLevi: Shemaya mwana waku Hasubu, mwana waku Azirikama, mwana waku Hasabia, mwana waku Buni;

¹⁶ ndi Shabetai ndi Yozabada, wamu ŵaraŵara, ŵa ŵaLevi; ŵeniwo ŵatufuliyanga nchitu ya kubwalo ya nyumba yaku Chiuta;

¹⁷ ndi Mataniya mwana waku Mika, mwana waku Zabudi, mwana waku Asafi, mweniyo wenga murongozgi wakudanjiya kuwonga mu kuromba, ndi Bakabukiya, wachiŵa mu ŵabali ŵake; ndi Abuda mwana waku Shamua, mwana waku Galala, mwana waku Yedutini.

¹⁸ ŴaLevi wose mu msumba wakupaturika ŵenga machumi pe chumi ghaŵi ndi machumi ghankhonde ndi ghatatu pachanya ŵanayi (284).

¹⁹ Ŵasungi malikomo: Akubu, Talmoni ndi ŵabali ŵawo, ŵeniwo ŵalondanga pa malikomo, ŵenga machumi pe chumi ndi machumi ghankhonde ndi ghaŵi pachanya ŵaŵi (172).

²⁰ Ndipo ŵaYisraele wose, ndi ŵazukuru ndi ŵaLevi, ŵenga mu mizi, yose ya ŵaYuda, we yose pa chihara chake.

²¹ Kweni ŵateŵeti ŵa kasopi ŵajanga pa Opele; ndipo Ziba ndi Gishipa ŵatufuliyanga ŵateŵeti ŵa kasopi.

²² Ŵakuŵawona wa ŵaLevi mu Yerusalemu wenga Uzi mwana waku Bani, mwana waku Hashabia, mwana waku Mataniya, mwana waku Mika, wa ŵana ŵanthurumi ŵaku Asafi, wakumba wakutufuliya nyumba yaku Chiuta.

²³ Pakuti penga langulu la karonga paku iwo, ndi penga chovyo cha ŵakumba, chakukhumbika zuŵa ndi zuŵa.

²⁴ Ndipo Petahia mwana waku Meshezabele, wa ŵana ŵanthurumi ŵaku Zera mwana munthurumi waku Yuda wenga wakuteŵete karonga pa makani ghose gha ŵanthu.

²⁵ Ndipo gha mizi, ndi minda yake, ŵanthu ŵanyake ŵaYuda ŵajanga mu Kiriatarba ndi mizi yake, ndi mu Deboni ndi mizi yake, ndi mu Jekabzele ndi mizi yake,

²⁶ ndi mu Yeshua ndi mu Nolada ndi Betpelete,

²⁷ mu Hazashuala, mu Benesheba ndi mizi yake,

²⁸ mu Ziklaga, mu Mekona ndi mizi yake,

²⁹ mu Enrimoni, mu Zora, mu Yarmuti,

³⁰ Zanoa, Adulama, ndi mizi yawo, Lakishi ndi minda yake, ndi Azeka ndi mizi yake. Sono ŵangugoŵa kuya ku dambo la Hinomo kutuliya ku Beresheba.

³¹ Ŵanthu ŵaku Benjamini wo ŵajanga kutuliya ku Geba kuya kunthazi, pa Mikimashi, Aija, Betele, ndi mizi yake,

³² Anatoti, Nobo, Ananiya,

³³ Hazoro, Rama, Gitaimi,

³⁴ Hadidi, Zeboimi, Nebalata,

³⁵ Lodo, ndi Ono, dambo la ŵamisiri.

³⁶ Ndi vigaŵa vinyake vya ŵaLevi mu Yuda ŵangusazgikiya kwaku Benjamini.