1 Mikoka 7 - Tonga Bible 1986

Ŵana ŵaku Isakara

¹ Ŵana ŵaku Isakara: Tola, Pua, Yashubu ndi Shimroni, ŵanayi.

² Ŵana ŵaku Tola: Uzi, Refaya, Jayili, Yahamai, Ibsamu, ndi Shemueli, mitu ya nyumba za auskeu, yaŵa mbaku Tola, ngwazi za nthazi mu mgonezi wawo, mu mazuŵa ghaku Davidi unandi wawo wenga vikwi machumi ghaŵi ndi viŵi, pachanya machumi pe chumi ghankhonde ndi limoza (22,600).

³ Ŵana ŵaku Uzi: Izrahiya, ŵana ŵaku Izrahiya Mikaeli, Obadiya, Yoweli, ndi Ishiya, ŵankhonde, yaŵa wose ŵenga mafumu;

⁴ ndipo pamoza nawo, mu mphapu yawo, kwakuyana ndi nyumba za auskeu, penga mizinda ya maŵanja gha nkhonde, vikwi machumi ghatatu ndi vinkhonde ndi chimoza (36,000) chifukwa ŵenga ndi ŵawoli ŵanandi, ŵenga ndi ŵana ŵanandi.

⁵ Ŵabali ŵawo wo ŵenga mu mbumba yose yaku Isakara ngwazi za nkhondo, ŵenga vikwi machumi nkhonde ndi ghatatu ndi nkhonde ndi viŵi, (87,000), ŵangulembeka mu mkoka wawo.

Ŵana ŵaku Benjamini ndi Dani

⁶ Ŵana ŵaku Benjamini:, Bela, Bekeri, ndi Yedieli, ŵatatu.

⁷ Ŵana ŵaku Bela: Ezboni, Uzi, Uzieli, Yerimoto, ndi Iri, ŵankhonde, mitu ya nyumba za auskeu, ngwazi za nkhondo; mu mkoka wawo ŵangulembeka vikwi machumi ghaŵi ndi viŵi pachanya machumi ghatatu ndi ŵanayi (22,034).

⁸ Ŵana ŵaku Bekeri: Zemira, Yoashi, Eliazere, Elionayi, Omri, Yeremoto, Abija, Anatoti ndi Alemeti.

⁹ Yaŵa wose ŵenga ŵana ŵaku Bekeri; unandi wawo pa kulembeka kwakuyana ndi mkoka wawo nge ndi mitu ya nyumba za auskeu, ngwazi mu mkhondo, ŵenga vikwi machumi ghaŵi pachanya machumi pe chumi ghaŵi (20,000).

¹⁰ Ŵana ŵaku Yedieli: Bilhani. Ndipo ŵana ŵaku Bilhani: Yeaushi, Benjamini, Ehudi, Kenani, Zethani, Tarshishi, ndi Ahisahara.

¹¹ Yaŵa wose ŵenga ŵana ŵaku Yedieli kwakulingana ndi mitu ya nyumba za auskeu, ngwazi munkhondo, vikwi chumi vinkhonde ndi viŵi pachanya machumi pe chumi ghaŵi (17,200) ŵakurongosoleke ku nchitu ya nkhondo.

¹² Shupimu ndi Hupimu ŵenga ŵana ŵaku Iri, Hushimu ŵenga ŵana ŵaku Aheri.

Ŵana ŵaku Naftali

¹³ Ŵana ŵaku Naftali: Yahazieli, Guni, Yezeri ndi Shalumu, ŵa mphapu yaku Bilha.

Ŵana ŵaku Manase

¹⁴ Ŵana ŵaku Manase: Asrieli, yo yingumupapiya mbiligha ya Aramea; wangumupapiya so Makiri wiske waku Gileadi.

¹⁵ Makiri wanguŵatore ŵanthukazi Hupimu ndi Shupimu, Zina la mzichi wake lenga Maka. Ndipo zina la wachiŵi lenga Zelofehada, Zelofehada wenga ndi ŵana ŵanthukazi.

¹⁶ Maka muwoli waku Makiri wangupapa mwana, wangumudana zina Pereshi, zina la mwana munyake lenga Shereshi, ŵana ŵake ŵanthurumi ŵenga Ulamu ndi Rakemu.

¹⁷ Ŵana ŵaku Ulamu: Bedani. Yaŵa ŵenga ŵana ŵaku Gileadi mwana waku Makiri, mwana waku Manase.

¹⁸ Mzichi wake Hemoleti wangupapa Ishihodo, Abiezere, ndi Mahala.

¹⁹ Ŵana ŵaku Shemida ŵenga Ahiana, Shekemu, Likihi, ndi Amiamu.

Ŵana waku Efraimu

²⁰ Ŵana ŵaku Efraimu: Shutela ndi mwana wake Beredi, Tahati mwana wake, Eleada mwana wake, Tahati mwana wake,

²¹ Zabadi mwana wake, Shitela mwana wake, ndi Ezeri ndi Eleada, mbeniwo ŵanthu ŵaku Gata wo ŵangupapikiya mu charu chiya ŵanguŵabaya, chifukwa ŵanguza kwaziphanga ng'ombe zawo.

²² Ndipo wiskeu Efraimu wanguŵatenje kwa mazuŵa ghanandi, ŵabali ŵake ŵanguza kumusangaruska.

²³ Efraimu wangusere mu muwoli wake, ndipo wanguzuwuka wangupapa mwana; wangumudana Beriya, wanguti chifukwa uheni unguwiya nyumba yake.

²⁴ Mwana wake munthukazi wenga Shera, yo wanguzenga Bete-horoni wasika ndi wanena, ndi Uzenisera.

²⁵ Mwana wake wenga Refa, Reshefu mwana wake, Tela mwana wake, Tahani mwana wake,

²⁶ Ladani mwana wake, Amihudu mwana wake, Elishama mwana wake,

²⁷ Nuni mwana wake, Yoswa mwana wake.

²⁸ Vihara vyawo ndi malo ghawo gha kujamo vyenga Betele ndi misumba yake, ndi Narani, kuchiri ku vuma, kuchiri ku zambwe Gezere ndi misumba yake, Shekemu ndi misumba yake, ndi Aya ndi misumba yake;

²⁹ ndipo so ndi mumphaka za ŵina Manase, Betesheani ndi misumba yake, Tanaka ndi misumba yake, Megido ndi mizi yake, Doro ndi mizi yake. Mwaku iyi ndimo mwajanga ŵana ŵaku Yosefe mwana waku Yisraele.

Ŵana ŵaku Ashere

³⁰ Ŵana ŵaku Ashere: Imana, Ishiya, Ishivi, Beriya, ndi mzichi wawo Sera.

³¹ Ŵana ŵaku Beriya: Hebere, ndi Malkieli, yo wenga wiske waku Birzaiti.

³² Hebere wenga wiske waku Yafleti, Shomeri, Hotemo, ndi mzichi wawo Chua.

³³ Ŵana ŵaku Yaflete: Pasaki, Bimali, ndi Ashivata. Yaŵa mbana ŵaku Yafleti.

³⁴ Ŵana ŵaku Shemeri mwana munyake: Rohaga, Yehuba, ndi Aramu.

³⁵ Ŵana ŵaku Helemu mwana munyake: Zofa, Imna, Sheleshi, ndi Amali.

³⁶ Ŵana ŵaku Zofa: Sua, Harnefe, Shuala, Beri, Imra,

³⁷ Bezeri Hodu, Shama, Shilisha, Itrani, ndi Bera.

³⁸ Ŵana ŵaku Yeteri: Yefune, Pispa, ndi Ara.

³⁹ Ŵana ŵaku Ula: Ara, Hanieli, ndi Riziya.

⁴⁰ Yaŵa wose ŵenga ŵanthu ŵaku Ashere, mitu ya nyumba za auskeu, ŵakusankhika, ngwazi za nkhondo, ŵara ŵa mafumu, mu kawi ka mikoka yawo wo ŵangurongosoleke mlimu wa nkhondo, ŵenga vikwi machumi ghaŵi ndi vinkhonde ndi chimoza (26,000).