1 Kolinito 8 - Tokelauan New Testament

Ko te Fehili e Uiga ki nā Meakai kua Ofo mo nā Tupua

¹ E vē ko te mea na tuhi mai ai koutou e uiga ki nā meakai kua ofo atu mo nā tupua: E hako e “ia te ki tātou uma te mālamalama,” e vē oi lea ai ki lātou. Ka ko he mālamalama vēnā, e fefete ai he tino i te fāfia; kae ko te alofa, e fakatau fehoahoani ai tētahi ki tētahi.

² Ko te meamoni, ko nā tino e manatu e ki lātou iloa he mea, ko hēki ki lātou iloa nā mea e tatau ke ki lātou iloa.

³ Kae ko te tino e alofa ki te Atua, e iloa ia e te Atua.

⁴ Ko te mea ia, e vē ki te kakai ki nā meakai kua ofo mo nā tupua; e ki tātou iloa ko te tupua e hēai hona ola; e ki tātou iloa e fokotahi oioti lava te Atua.

⁵ E ui lava e lahi nā mea e takua ni “atua,” pe e i te lagi pe e i te lalolagi, ma e ui lava e lahi nā “atua” vēnei ma nā “aliki,”

⁶ kae mo ki tātou, e fokotahi oioti lava te Atua, ko te Tamana, na ia gaohia ia mea uma, ma ko ki tātou e ola mo ia; ma e fokotahi oioti lava te Aliki, ko Iehu Keliho, e ala ia te ia na gaohiga ai ia mea uma, ma e ala ia te ia kua ola ai ki tātou.

⁷ Kae e hē ko tagata uma te ki lātou iloa te meamoni tēnei. Ko iētahi tino na ola ake lava ma te talitonuga ko nā tupua ni mea e i ei ni ola ma ke pa mai lava nei, kāfai e kakai ki nā meakai vēnei e manatu lava ko nā meakai e mo he tupua; e vāivai to lātou lotofuatia, ma e manatu ko ki lātou e hē mamā i nā meakai.

⁸ Kae e hē fakaleleia e nā meakai to tātou va ma te Atua; e hēai he āfāina kāfai ki tātou e hē kakai ki nā meakai iēnei, oi e hēai foki he āfāina kāfai ki tātou e kakai ki ei.

⁹ Kae tau lava koutou ke fakaeteete, ke nahe kaveagia te haolotoga o koutou i nā mea iēnei, ma ala e pakukū ai ki te agahala ki lātou e vāivai i te fakatuatua.

¹⁰ E vēhea kāfai he tino e vāivai tona lotofuatia e ia kitea koe tē e i ei te “mālamalama” e kai i te mālumalu o he tupua; ka hē kavea nei tēnā ma mea ka fakamālohia ai ia ke kai ki nā meakai kua ofo mo nā tupua?

¹¹ Ma ko te tino vāivai tēnei, te uho o koutou na oti mo ia ia Keliho, ka fakaumatia ona ko tō “mālamalama” e tākua!

¹² Kāfai koutou e agahala ona kua āfāina he uho o koutou e vāivai te lotofuatia, ko koutou la kua agahala ki a Keliho.

¹³ Ko te mea ia, kāfai ko nā meakai e agahala ai he tino kua talitonu, ko au ka hē toe kai lele ki nā kanofi o nā manu, kae ke nahe agahala ai he tino kua talitonu.