Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

UNTABAN 27 - Tanou Moonsoi Timugon


Anak-anak ruandu' ri Jilapiad

1 I Jilapiad makaanak ruandu' limo ngaulun: I Mala, i Noa, i Golga, i Milka am i Tirja. Ama' ri Jilapiad iono i Gipir, ama' ri Gipir iono i Giliad, ama' ri Giliad iono i Makgir, ama' ri Makgir iono i Manasi, ama' ri Manasi iono i Jusup.

2 Kalilimo ngaulun anak ri Jilapiad no minuma' ri Musa, Imam Iliajar, tingganai-tingganai ru Israil am ngaangai' ulun ondo' timinimung maar ra kulobon ru Kim ru Tuhan. Konilo,

3 “Minatoi ama' maili giu' ra tana' kaagisan ra kolondo' anak ungkuyon. Io sala' ka maamaya' ri Kora ondo' giminuor ra Tuhan. Ama' maili minatoi sabap ra tula nali galama'.

4 Kaa' kua kia inggalan nano natatak intor ra ulun ru Israil sabap ra kolondo' anak ungkuyon ayuk? Anii' akai ra tayar ru tana' mababaya' ra pabukat ru ama' maino.”

5 Pinasaboi ri Musa baal nilono ra Tuhan,

6 am Tuhan pana mindagu riso,

7 “Matanda' kitaak ru anak-anak ruandu' ri Jilapiad; Anii' ilo ra tana' mababaya' ra pabukat ru ama' nilo. Tinungkus ri Jilapiad no musiti' patungkuson ra ngaangai' anak ruandu' nano.

8 Balai' ulun ru Israil ra paat sangulun ungkuyon matoi ra kolondo' anak ungkuyon, tana' tinungkus nano musiti' patungkuson ra anak ruandu' nano.

9 Amon ru kolondo' io ra anak ruandu', tana' tinungkus nano musiti' patungkuson ra pabukat ungkuyon nano.

10 Amon ru kolondo' io ra pabukat ungkuyon, tana' tinungkus no musiti' patungkuson ra pabukat ungkuyon ru ama' nano.

11 Amon ru kolondo' io ra pabukat kapoam kamaman, tana' tinungkus no musiti' patungkuson ra pabukat ondo' mamaar nano.” Ulun ru Israil musiti' gumagaya' ra ukum no, sumugut ra susuban ru Tuhan ra pinasaboi galing ri Musa.


Pinili' i Josua masauk ra suali ri Musa
( Sag. 31:1-8 )

12 Indagu Tuhan ri Musa, “Pagaloi no ra Kagunungan Abarim am ilai' noyo tana' ondo' taakin Kuno ra ulun ru Israil.

13 Mopongo magilong ra tana' no, matoi kou koson ri Arun maayo ungkuyon muli niayuk minatoi noyo,

14 sabap ra akau ruo minanggal noyo ra susuban Kuno giu' ra tana' kaagisan Jin. Paat ra ngaangai' ru ulun ru Israil nambubutok Raki' giu' ra Miriba, kalo napakito kau ra Kuasa' Kuno ondo' matulai ra saang nilo.” (Kasaukan raginio nasauk giu' ra taur Miriba giu' ra Kadis, giu' ra tana' kaagisan Jin.)

15 I Musa pana pakiasi',

16 “Iou Tuhan i Aki Kapuuno', ondo' manaak ra kaayagan ra ngaangai' ondo' maayag, makitaak aku, pilio' noyo sangulun ondo' makapaningganai ra ulun ragitio,

17 sangulun ondo' makapaningganai risilo paat mangayou. Pai' polosoo' ulun Muno masauk ra pulalai ru domba ondo' kolondo' magagalung.”

18 Indagu Tuhan ri Musa, “Piawo' noyo i Josua anak ri Nun. Io sangulun matanda'. Pabantaa' kalindu' muno ra rasawat ru ulu nano.

19 Susubo' noyo io migor ra saang ru Imam Iliajar am ngaangai' ulun. Giu' ra saang nilo ngaangai' musiti' kou mapatanou ra i Josua suali rirun.

20 Taaki' riso santayaran ra kuasa' muno, maa' raginio ngaangai' ulun ru Israil gumagaya' riso.

21 I Josua musiti' makitaak ra panuluan intor ra Imam Iliajar, am i Iliajar musiti' mangkuot ra kasagaan Kuno ra mamakai ra Urim am Tumim. Kon ragitio noyo ralan ra makapanaak i Iliajar ra panuluan ri Josua am ra ngaangai' ulun ru Israil ralalom ru ngaangai' baal ondo' umaan nilo.”

22 Binaal ri Musa susuban ru Tuhan. Nanusub io ri Josua migor ra saang ru Imam Iliajar am ngaangai' ulun.

23 I Musa pana napabanta' ra kalindu' nano ra rasawat ru ulu ri Josua am napatanou ra i Josua suali nano, sumugut ra susuban ru Tuhan riso.

Hakcipta © Bible Society of Malaysia, 2013.

Bible Society of Malaysia
ကြှနျုပျတို့နောကျလိုကျပါ:



ကြော်ငြာတွေ