NIGIMIA 7 - Tanou Moonsoi Timugon

¹ Kopongo timbok no pinuna', nanusub aku maa' raginio angob-angob ru kulobon garabang paatangon. Aku pana nanusub boo ra ulun-ulun magalung ra kulobon garabang, ulun-ulun marimbai am ulun-ulun ru Liwi nampaugar ra kandoi ru sigagama'.

² Pinataak ku pamarintaan ru bandar Jirusalim ra pabukat kuno i Ganani am ri Gananya, panglima ru kubu pangampinan. I Gananya kolondo' pogondo' nano sabap ra io maintopot am malaa' ri Aki Kapuuno'.

³ Nambala' aku risilo maa' raginio kalo ukabin kulobon garabang ra kalo poyo sumirang mato ru orou, am maa' raginio angabin ra mapaatang ra pangalor ra kalo poyo ulun magagalung muli' paat ra mamai' orou. Nanusub aku niayuk risilo magakut kukula' ngaulun magagalung ra gino ngai' mamagun ru Jirusalim, am mapaayan ra santayaran intor risilo giu' ra intok-intok ondo' inaru', liliwa' bokon no mongoi pagilong giu' ra liliut ru baloi ru sigagama'.

Suang ru inggalan ru ulun ondo' siminaguli' intor ra pamatiran

⁴ Jirusalim bandar ondo' maayo, kaa' mamagun nano kalo masuang, am kalo poyo masuang baloi ondo' binaal ra giu' no.

⁵ Kopongo raginio nangani' i Aki Kapuuno' raki' ra inatangan koson manimung ra mamagun am tingganai-tingganai am niayuk pagawai-pagawai nilo, maa' raginio makapanguntob aku risilo maya' ra suang ru sasambaloi ondo' natulisan. Paat raginio nakatuum aku ra tinulisan ru ulun ondo' kasaa' toojo minuli' intor ra pamatiran. Gitilo noyo pinabala' ra masusui ondo' nakito kuno intor ra tinulisan no:

⁶ Masuang ra gino ngai' ru ulun pinatiran nangiruan ra wilayah Babil am minuli' ra Jirusalim am Jiuda, sigagama' giu' ra bandar nano galama'. Sasambaloi nilo lair noyo naayag ralalom pamatiran giu' ra Babilonia, intor ra Raja' Nibukadnijar nagibit risilo ra giu' koson ra ulun rinakop.

⁷ Tingganai-tingganai nilo iono i Jirubabil, Jisua, Nigimia, Ajaria, Raamya, Nagamani, Mordikai, Bilsan, Mispirit, Bigwai, Nigum am Baana.

^8-25 Gitio noyo suang ru bansa'-bansa' ru Israil, am suang ru ulun intor ra moonong bansa' ondo' siminaguli' intor ra pamatiran: Paros 2,172 Sipatia 372 Arak 652 Pagat-Moab (papag ri Jisua am Joab) 2,818 Ilam 1,254 Jatu 845 Jakai 760 Binui 648 Bibai 628 Ajgad 2,322 Adinokam 667 Bigwai 2,067 Adin 655 Atir (ondo' sabiton niayuk ri Gijkia) 98 Gasum 328 Bijai 324 Garip 112 Gibion 95

^26-38 Ulun ondo' kinamatuaan nilo ragili minayan giu' ra bandar-bandar ragitio, niayuk siminaguli' intor ra pamatiran: Bitligim am Nitopa 188 Anatot 128 Bit-Ajmawit 42 Kiryat-Jiarim, Kipira am Biirot 743 Rama am Gaba 621 Mikmas 122 Bitil am Ai 123 Nibo ra bokon 52 Ilam ra bokon 1,254 Garim 320 Jiriko 345 Lod, Gadid am Ono 721 Sinaa 3,930

^39-42 Gitio noyo suang ru bansa' ru imam-imam ondo' siminaguli' intor ra pamatiran: Jidaya (papag ri Jisua) 973 Imir 1,052 Pasyur 1,247 Garim 1,017

^43-45 Gitio noyo papag ru bansa' ru Liwi ondo' siminaguli' intor ra pamatiran: Jisua am Kadmiil (papag ri Godiwa) 74 Ulun mangkuli ra miujik giu' ra Baloi ru(papag ri Asap) 148 Ulun magalung ra kulobon garabang giu' ra Baloi ru(papag ri Salum, Atir, Talmon, Akub, Gatita am Sobai) 138

^46-56 Gitio noyo suang ru bansa' mangngandoi giu' ra Baloi ru Tuhan ondo' siminaguli' intor ra pamatiran: Jiga, Gasupa, Tabaot, Kiros, Sia, Padon, Libana, Gagaba, Salmai, Ganan, Gidil, Agar, Riaya, Rijin, Nikoda, Gajam, Uja, Pasia, Bisai, Miunim, Nipusim, Bakbuk, Gakupa, Gargur, Bajlit, Migida, Garsa, Barkos, Sisira, Tima, Nijia am Gatipa.

^57-59 Gitio noyo bansa'-bansa' ru ulipon ri Salomo ondo' siminaguli' intor ra pamatiran: Sotai, Sopirit, Pirida, Jaala, Darkon, Gidil, Sipatia, Gatil, Pokirit-Gajibaim am Amon.

⁶⁰ Suang ru ngaangai' papag ru mangngandoi ra Baloi ru Tuhan am ulipon ri Salomo ondo' siminaguli' intor ra pamatiran iono 392 ngaulun.

^61-62 Suang 642 ngaulun intor ra bansa' ri Dilaya, Tobia am Nikoda minugar intor ra bandar Til-Mila, Til-Garsa, Kirub, Adon am Imir; kaa' kolondo' ilo ra inono' ra ilo papag ru bansa' ru Israil.

^63-64 Bansa'-bansa' ru imam ragitio kalo nakatuum ra tinulisan intor ra kinamatuaan nilo: I Gabaya, Gakos am Barjilai. (Sangulun intor ra kinamatuaan ru bansa' ru imam Barjilai nagandu' ra sangulun ruandu' intor ra bansa' Barjilai giu' ra Giliad, am namakai ra inggalan ru sasambaloi ra iwan nano.) Sabap no ra ilo kolondo' inono' ra osoi kinamatuaan nilo, am ilo pana kalo boo inapu koson ra imam.

⁶⁵ Gabenor ru wilayah Jiuda nanginggalar risilo mangakan ra akanon ondo' pinataak ri Aki Kapuuno', ra kalo poyo mokoondo' ra sangulun imam ondo' makapakitulu' mamakai ra Urim am Tumim.

^66-69 Suang ru ulun pinatiran ondo' minuli' ra pagun nilo iono 42,360 ngaulun. Sala' ka ilo ayuk, mangindangan risilo niayuk minuli', ruandu' am ungkuyon ra suang no 7,337 ngaulun, am ulun-ulun maririmbai, ungkuyon am ruandu' ra suang no 245 ngaulun. Nagibit ilo niayuk ra bibiag tinambiag nilo: kuda 736 baghal 245 unta 435 kaladai 6,720

^70-72 Masuang ulun ondo' nangani' ra indangan koson nanampilon ra balanja' ru pamunaan ra Baloi ru Tuhan: Gabenor: 8 ngakilogram mas 50 mangkuk upacara 530 sukub ru imam tingganai ru bansa': 168 ngakilogram mas 1,250 kilogram pirok Mamagun: 168 ngakilogram mas 140 ngakilogram pirok 67 sukub ru imam

⁷³ Imam-imam, ulun-ulun ru Liwi, ulun magalung ra kulobon garabang ru Baloi ru Tuhan, ulun-ulun maririmbai am masuang intor ra mamagun toojo, ulun-ulun mangngandoi ra Baloi ru Tuhan, ontoson ragu ngaangai' ulun ru Israil, namagun giu' ra ngaangai' pekan am giu' ra bandar-bandar ru Jiuda.