MAZMUR 129 - Tanou Moonsoi Timugon

Pakiasian koson manggal ra pantula' ru Israil

¹ Rimbai ru ratangan. Okou Israil, tunungo' ati kulaan pantula' muno nangimbolo' rirun, intor poyo ra kinamuloko' muli.

² “Intor poyo ra kinamuloko' kuli, pantula' kuno nangimbolo' toojo raki', kaa' kalo maalap nilo aku ra kala.

³ Pinilat nilo bakulung kuno saboi nasauk koson ra tana' ondo' rinadu'.

⁴ Kaa' Tuhan ondo' matimpok nampalabus raki' intor ra pangulipanan.”

⁵ Polosoon noyo moonong ulun ondo' masisang ra Sion kalaan am palukiaton.

⁶ Polosoon ilo ngai' masauk koson ra sakot tumuu' ra pinuusan ru baloi, ondo' lumonot ra kalo poyo makaumur,

⁷ kolondo' ulun mampalulur, kapoam mamangkos ra sasabangkos.

⁸ Ulun ondo' mansail kalo mindagu, “Gama' ru barakaton kau ru Tuhan! Mambarakat akai ramuyun ralalom inggalan ru Tuhan.”