MAZMUR 128 - Tanou Moonsoi Timugon

Barakat sabap ra gumagaya' ra Tuhan

¹ Rimbai ru ratangan. Pakaansuk noyo ulun ondo' gumagaya' ra Tuhan, ondo' maayag sumugut ra panusuban Nano.

² Ampos ru bagui muno manumbali ra gogoton muno; maansukan kou am lumangkaya'.

³ Andu' muno masauk koson ra puun ru anggur ondo' malabung ra ralalom ru baloi muno, am ngaangai' anak muno koson ayuk ra abung ru jaitun ondo' nakaliput ra mija' muno.

⁴ Ulun ondo' gumagaya' ra Tuhan maaru' barakaton koson raginio.

⁵ Gama' ru Tuhan giu' ra Sion no mambarakat rirun! Gama' ru makakito kou ra Jirusalim lumangkaya' buoi ru painawo muno!

⁶ Gama' ru maawar umur muno am makakito poyo ra ngaangai' akupu muno! Kaansayan rirun Israil!