Yɔn 1 - Ȧŋlemrȧnɛ Ȧfu

¹ Ka ɔtəpɛr Ȧrim rə yi, ɔwa Ȧrim rə yi rɛ Kuru, ɔwa Ȧrim rə yi Kuru.

² Rə yi yi Kuru ka ɔtəpɛr.

³ Kɔnɔ bɛmpa ɛyɛt bɛ; ɔwa rəka o rəka rə yi hɛ ara a bɛmpa thambe kɔnɔ bɛmpa ri.

⁴ Aŋesəm aŋ yi ro ŋɔŋ: ɔwa aŋesəm aŋ yi ȧŋmothȧ ŋa afəm.

⁵ Ɔwa ȧŋmothȧ aŋ gbɛntha ka ȧŋsum: kɛrɛ ȧŋsum aŋ wop hɛ ŋi.

⁶ Wuni ɔ der, ɔwe Kuru ɔ som, ȧŋes ŋɔŋ ŋa yi Yɔn.

⁷ Ɔwe ɔ der ta məseri, tə kəseri ta ȧŋmothȧ, kȧmȧ afəm bɛ aŋ lanɛ salata kagbaki kɔŋ.

⁸ Kɔnɔŋ ɔ yi hɛ ȧŋmothȧ, ɔ der gbo kȧmȧ ɔ sɔŋ məseri ta ȧŋmothȧ.

⁹ ȧŋmothȧ ȧtəteŋ aŋ yi, aŋa mothər wuni o wuni, ɔwe mə wɔŋ ka ȧdȧru.

¹⁰ Ɔ yi ka ȧdȧru, ɔwa kɔnɔ bɛmpa ȧdȧru, kɛrɛ ȧdȧru rə tɛ hɛ kɔ.

¹¹ Ɔ der ka aŋɔŋ, kɛrɛ aŋfəm ŋɔŋ aŋ malanɛ hɛ kɔ.

¹² Kɛrɛ ŋa bɛ aŋa malanɛ kɔ-e, ɔ sɔŋ ŋa mamari tə kəsəkɛ awuth ŋa Kuru, hali ŋaŋ aŋa lanɛ ka ȧŋes ŋɔŋ:

¹³ aŋa a kom, pə yi hɛ ka mətir, thalɔm ka mȧselɔ ma madɛr, thalɔm ka mȧselɔ ma wuni, kɛrɛ ka mȧselɔ ma Kuru.

¹⁴ Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

¹⁵ Yɔnȧŋ ɔ gbaki ta atɔŋ, ɔ fɔf ɔbɔli rəkɔm, ɔ pa, Kɔnɔŋ ɔwe ta ɔwe i pa, Kɔnɔ ɔwe mə der kədarəŋ ka mi-e ɔ təmȧ mi kədi: kotȧy-e kɔnɔ yi mi rodi.

¹⁶ kotȧy-e ka kalasər kɔŋ saŋ bɛ sə po sɔthɔ, ɔwa aboŋa rokɔm ka aboŋa.

¹⁷ Ȧtesoma-e Mosisȧŋ kɔnɔ sɔŋ ȧŋthɔ; kɛrɛ ȧŋboŋa yi tȧteŋ ɛ der ka kȧta ka Yisɔs Krayst.

¹⁸ Wuni kəpet ɔ tha nənk hɛ Kuru hali; ɔWan gbo son, ɔwe yi ka aŋkəpət ŋa ɔKas, kɔnɔ ɔ po ŋaibi kɔ.

¹⁹ Ɔwa maseri ma Yɔn mi ame; ma aŋYuda aŋ som aŋfode yi aŋLibayt kəwur ro Yerusalɛm tə kəyif kɔ, Mun kanɛ-e?

²⁰ kɔ gbithanɛ, ɔ pɛnsa hɛ; ɔ gbaki kəpa, Min tha yi ɔKrayst.

²¹ kaŋ yif kɔ, Mun kanɛ mən-e? Munɔ yi Elaya-i? kɔ pa, Min thahɔ. Munɔ yi ɔnabi-i? kɔ pa, Ade.

²² Tiyȧŋ aŋ pa ro ŋɔŋ, Mun kanɛ thɔŋ-e? kȧmȧ sə gbəli gbaki ŋa aŋa som su-e. To mə pa ta mun munɔnɛ-e?

²³ Ɔ pa, Minɛ yi ȧrim ra wuni ara gbelegbele ro wula, Lompəs nu aroŋ ra ɔMarki, mɔ mə Isaya ɔnȧbi ɔ po pa.

²⁴ Aŋa a po som aŋ wur ka aŋFarisi,

²⁵ kaŋ yif kɔ, aŋ pa, To som tɛn mə baftays-e, bepi mə yi hɛ ɔKraist-e, thalɔm Ilayaŋ, thalɔm ɔnabi-e?

²⁶ Yɔnȧŋ ɔ wosȧnɛ ŋa, ɔ pa, Minɛŋ, i baftays yi mȧnt, kɛrɛ ukin ɔ təmȧ kətɔŋ ka nu ɔwe nə te tȧrȧ,

²⁷ kɔnɔ mə der kədarəŋ kȧmi, rabeŋa ra aŋkɔftha ŋɔŋ i bek hɛ tə kəsəli ri.

²⁸ Mȧtȧy ame mə yɔnɛ ro Bɛthani ro Yɔrdan mɔri, ro Yɔnȧŋ ɔ baftays.

²⁹ Ka ȧŋrey alɔm-e, Yɔnȧŋ ɔ nənk Yisɔsȧŋ ɔ der ro ŋɔŋ, ɔ pa, Kəli kaLɔmɛ kəfɛth ka Kuru ɔwe mə sara aŋhakɛ ŋa ȧdȧru!

³⁰ Kɔnɔ ɔwe ta ɔwe i pa, Kədarəŋ kȧmi wuni ɔ tə der ɔwe mə təmȧ mi kədi; kotȧy-e kɔnɔ yi mi rodi.

³¹ Ɔwa i tɛ hɛ kɔ: kɛrɛ kȧmȧ ɔ wur gbafəth ka aŋIsrɛl tiyȧŋ minɛŋ i der tə kəbaptays yi mȧntȧŋ.

³² Ɔwa Yɔnȧŋ ɔ sɔŋ məseri, ɔ pa, I po nənk ɔYina ɔ thor kəwur ka ȧkuru mɔ kəpərəm; kɔ yirər kɔ rokɔm.

³³ Ka minɛŋ i tɛ hɛ kɔ: kɛrɛ kɔnɔ ɔwe som mi tə kəbaptais yi mȧnt-e, ɔ pa ro mi, Ka ɔwe mȧ mə nənk ɔYina ɔ thor, ɔwa ɔ yirər kɔ rokɔm-e, kɔnɔ yi ɔwe mə baftays yi ɔYina məsəm.

³⁴ Ɔwa i po nənk, ɔwa i po seri ti kəpa ɔwe ɔ yi ɔWan ka Kuru.

³⁵ Ka ȧŋrey alɔm-e, Yɔnȧŋ ɔ təmȧ yi aŋkarande ŋɔŋ ŋarəŋ:

³⁶ ɔ kəli Yisɔsȧŋ mɔ mɔ kɔth-e, ɔ pa, Kəli kaLɔmɛ kəfɛth ka Kuru!

³⁷ Ɔwa aŋkarande ŋarəŋ aŋ təl ma ɔ fɔf, kaŋ tȧŋ Yisɔsȧŋ.

³⁸ Ka Yisɔs ɔ fəlɛ, ɔ nənk aŋ tȧŋ kɔ-e, kɔ pa ro ŋaŋ, Ko mə nə thɛns-e? kaŋ pa ro ŋɔŋ, Rabi, aŋa a tepa kəpa, Karmɔkɔ, reke mə yira-e?

³⁹ kɔ pa ro ŋaŋ, Der nu, nə tə nənk. Kaŋ kɔ, aŋ nənk ro ɔ yirȧ, kaŋ yianɛ ro ŋɔŋ ka ȧŋrey ŋati: kotȧy-e ȧŋlɔkɔ ŋa aŋgbeleŋ kagbat tɔfɔt ŋiəŋ.

⁴⁰ Ukin ka aŋarəŋ aŋa təlȧ ma Yɔn ɔ fɔf-e, aŋa tȧŋ Yisɔsȧŋ, kɔnɔ yi Andru, ɔwɔnt ka Saymɔn Pita.

⁴¹ Ɔ mɔtha bəp ɔwɔnt kɔŋ Saymɔn, kɔ pa ro ŋɔŋ, Sə po fir ɔMɛsaya (aŋa a tepa Krayst).

⁴² Ɔ kera kɔ ka Yisɔs. Ma Yisɔsȧŋ ɔ kəli kɔ-e, ɔ pa, Munɔ yi Saymɔn ɔwan ka Yonas: ɔwe a bont Kefas (aŋa a tepa kəpa Pita).

⁴³ Ka ȧŋrey alɔm-e, Yisɔsȧŋ ɔ yema kɔnɛ ro Kalili, kɔ bəp Filipȧŋ: ka Yisɔs ɔ pa ro ŋɔŋ, Tȧŋ mi.

⁴⁴ Filipȧŋ ɔ wur ro Bɛthsayda, kȧpet ka Andru yi Pitaŋ.

⁴⁵ Filipȧŋ ɔ bəp Nathaneɛl, kɔ pa ro ŋɔŋ, Sə po fir kɔ, ta ɔwe Mosisȧŋ ka aŋthɔ, yi Aŋnȧbi aŋ gbal, Yisɔs ɔwe ro Nasarɛth, ɔwan ka Yosɛf.

⁴⁶ Ka Nathaneɛl ɔ pa ro ŋɔŋ, Tai təfinɔ tə gbəli wur ro Nasarɛth-i? Ɔwa Filip ɔ pa, Der kȧmȧ mə kəli.

⁴⁷ Ma Yisɔs ɔ nənk Nathaneɛl ɔ der ro ŋɔŋ-e, ɔ pa ta atɔŋ, Kəli uIsreɛl tɛntɛnɛ, ɔwe te ba yaŋfa!

⁴⁸ Nathaneɛl ɔ pa ro ŋɔŋ, Reke mə tȧrȧ mi-e? Yisɔs ɔ wosa ɔ pa ro ŋɔŋ, I nənk mu yeŋka Filipȧŋ ɔ tela mu, ma mə yi ka aŋgbɔnɔ ratha.

⁴⁹ Nathanɛlȧŋ ɔ wosa ɔ pa ro ŋɔŋ, Karmɔkɔ, munɔ yi ɔWan ka Kuru; munɔ yi ɔbȧy ka ro Isrɛl.

⁵⁰ Yisɔsȧŋ ɔ wosa ɔ pa ro ŋɔŋ, Pəkasifɛ i pa ro mu, I nənk mu ka aŋgbɔnɔ ratha, tiyȧŋ mə lanɛ-i? Mə tə nənk mȧtȧy məbana ama thas ame.

⁵¹ kɔ pa ro ŋɔŋ, I kanɛ mu tɛntɛnɛ, mə tə nənk ȧkȧriyana kə kanthi, ɔwa aŋmȧleka ŋa Kuru aŋ tə ŋat ɔwa aŋ tə thor ka ɔWan ka wuni.