Tizaret 10 - Awal n Messineɣ s Tamahaq

Iheyawen n Noḥ

¹ Ḍeffer anǧi wa mǎqqeren, dg Noḥ Sam, Ḥam d Jafet ekrehen arrawen. Nɣwih iheyawen nsn :

² Dg Jafet : Gomer, Magog, Maday, Yawan, Tubal, Mašek d Tiras.

³ Dg Gomer : Aškenaz, Rifat d Togarma.

⁴ Dg Yawan : Eliša, Tarsis, Kittim d Dodanim.

⁵ Dg Jafet a-d efalen ǎddunet wi ezzeɣnén ɣor ǧeréw, ak wiyyeḍ d ellametén nsn d ikallen nsn d tawsitén nsn d awalen nsn.

⁶ Dg Ḥam : Kuš, Miṣrayim, Fuṭ d Kenƹan.

⁷ Dg Kuš : Seba, Hawila, Sabta, Raƹma d Sabteka. Dg Raƹma : Saba d Dédan.

⁸ Kuš yǎmos aked tis n Nemrod, yeqqalen amɣar mǎqqeren, wa yezzaren ǧér ǎddunet.

⁹ Nemrod yeqqal amagdal mǎqqeren ɣor Amaɣlol fol awéndɣ as itahawal : « Amagdal mǎqqeren ɣor Amaɣlol hund Nemrod. »

¹⁰ Dɣ ikallen wi ezzarnén fol yemnakel, ellant éɣermen win Babel, Erek, Akad d Kalne dɣ ǎkal n Šinƹar.

¹¹ Yefel Nemrod ǎkal wah yekka ǎkal n Aššur. Yebna ds éɣerman win Niniwa d Rehobot d Kelaḥ,

¹² d Ressen, illan ǧér Niniwa d Kelaḥ, aɣrem mǎqqeren.

¹³ Miṣrayim yǎmos tis n Luditen, Ƹanamiten, Lehabiten, Naftuhiten,

¹⁴ Fatros, Kasluḥ, wad efelen Filistiniten d Kaftorten.

¹⁵ Kenƹan yǎmos tis n Sidon wa mǎqqeren dɣ meddans d Ḥeth,

¹⁶ yǎmosen aked tis n Yabusiten, Amoriten, Girgašiten,

¹⁷ Hiwiten, Arqiten, Siniten,

¹⁸ Arwaditen, Sémariten d Hematiten. Ḍeffer awén tawsitén ti-d efelnén Kenƹan emmezeynet.

¹⁹ Ǎkal nsn yemel ǧér Sidon berén Gerar ar Γaza berén Sodoma, Ƹamora, Adma d Ṣeboyim ar Leša.

²⁰ Awén dg Ḥam, ak iyyen d tawsit ennét d awal ennét dɣ ǎkal ennét d ellamet ennét.

²¹ Sam, ǎmeqqar n Jafet yekreh arrawen. Yǎmos tis n Eber d wi yérew.

²² Dg Sam : Elam, Aššur, Arfakšad, Lud d Aram.

²³ Dg Aram : Uṣ, Ḥul, Geter d Maš.

²⁴ Arfakšad yǎmos tis n Šelaḥ, Šelaḥ yérew Eber.

²⁵ Eber yekreh essin arrawen : iyyen isem ennét Feleg, -Azmezzi-, édét émér wa dɣ yeddar ǎddunet win edduniya emmezzeyen, wa heḍen isem ennét Yoqtan.

²⁶ Yoqtan yǎmos tis n Almodad, Šelef, Haḍarmawet, Yeraḥ,

²⁷ Hadoram, Uzal, Diqla,

²⁸ Obal, Abimayel, Saba,

²⁹ Ofir, Hawila, Yobab, wiɣ emdan ǎmosen meddans n Yoqtan.

³⁰ Ezzaɣen ǧér Meša d ǎkal n tidreɣén n Sefar berén awas d tgammeḍ tǎfuk.

³¹ Awén meddans n Sam ak iyyen d tawsit ennét d awal ennét dɣ ǎkal ennét d ellamet ennét.

³² Awén tawsitén ti-d efelnén Dg Noḥ, ak iyyet d iheyawen ennét d ellametén ennét. Entenéḍ a-d efalen ǎddunet emdan wi ezzeɣnén ǎmǎḍal ḍeffer anǧi wa mǎqqeren.