కీర్తన 87 - పరిశుద్ధ గ్రంథము O.V. Bible (BSI)

కోరహు కుమారుల కీర్తన. గీతము.

¹ ఆయన పట్టణపు పునాది పరిశుద్ధపర్వతములమీద వేయబడియున్నది

² యాకోబు నివాసములన్నిటికంటె సీయోను గుమ్మ ములు యెహోవాకు ప్రియములై యున్నవి

³ దేవుని పట్టణమా, మనుష్యులు నిన్నుగూర్చి మిక్కిలి గొప్ప సంగతులు చెప్పుకొందురు. (సెలా.)

⁴ రహబును ఐగుప్తు బబులోనును నాకు పరిచయులని నేను తెలియజెప్పుచున్నాను ఫిలిష్తీయ తూరు కూషులను చూడుము వీరు అచ్చట జన్మించిరనియందురు.

⁵ ప్రతి జనము దానిలోనే జన్మించెననియు సర్వోన్నతుడు తానే దాని స్థిరపరచెననియు సీయోనునుగూర్చి చెప్పుకొందురు.

⁶ యెహోవా జనముల సంఖ్య వ్రాయించునప్పుడు –ఈ జనము అక్కడ జన్మించెనని సెలవిచ్చును. (సెలా.)

⁷ పాటలు పాడుచు వాద్యములు వాయించుచు –మా ఊటలన్నియు నీయందే యున్నవని వారం దురు.