కీర్తన 120 - పరిశుద్ధ గ్రంథము O.V. Bible (BSI)

యాత్రకీర్తన.

¹ నా శ్రమలో నేను యెహోవాకు మొఱ్ఱపెట్టితిని ఆయన నాకు ఉత్తరమిచ్చెను.

² యెహోవా, అబద్ధమాడు పెదవులనుండియు మోసకరమైన నాలుకనుండియు నా ప్రాణమును విడిపించుము.

³ మోసకరమైన నాలుకా, ఆయన నీకేమి చేయును? ఇంతకంటె అధికముగా నీకేమి చేయును?

⁴ తంగేడునిప్పులతోకూడిన బాణములను బలాఢ్యుల వాడిగల బాణములను నీమీద వేయును

⁵ అయ్యో, నేను మెషెకులో పరదేశినై యున్నాను. కేదారు గుడారములయొద్ద కాపురమున్నాను.

⁶ కలహప్రియునియొద్ద నేను చిరకాలము నివసించినవాడను.

⁷ నేను కోరునది సమాధానమే అయినను మాట నా నోట వచ్చినతోడనే వారు యుద్ధమునకు సిద్ధమగుదురు.