TIBIRIK 36 - Hakcipta - Biatah Bidayuh

Bara Sesang Esau

¹ Ati inŭh bara sesang Esau adi dog kadŭn gŭh Edom.

² Esau sawŭn dayung dayung daya Canaan: Adah, anak dayung Elon daya Hitti; Oholibamah, anak dayung so anak dari Anah adi daya Hivi so Zibeon;

³ ka Basemath, adi anak dayung Ishmael ka jurud dayung Nebaioth.

⁴ Adah biranak Eliphaz; Basemath biranak Reuel;

⁵ ka Oholibamah biranak Jeush, Jalam, ka Korah. Sopŭrŭg anak dari anŭ dog biranak yŭn Esau di tarun tana Canaan.

⁶ Komŭnŭ Esau taban bara sawŭn-i, bara anak-i dari dayung, ka sopŭrŭg daya di ramin-i samŭn sopŭrŭg kaban dāng-i ka sopŭrŭg buat-rata adi ayŭh dapu di tarun tana Canaan, ka birakang so sude-i Jacob di ka tarun tana adi bŭkŭn.

⁷ Ayŭh bu so nŭ amai tarun tana adi yŭn-i ngga Jacob rŭŭ dŭh sadang yŭn ngara kudip adŭp-i; ngara biyŭn raru bagŭ dāng, ngga sabab anŭ ngara dŭh bisa briyŭn rŭŭ.

⁸ Jadi Esau rŭŭ di rais tarun tana sandah Edom.

⁹ Ati inŭh bara sesang Esau, adi babuk daya Edom.

^10-13 Sawŭn Esau adi dŭn Adah biranak yŭn-i ndi anak dari dŭn Eliphaz, ka Eliphaz biyŭn rimŭh madis anak dari: Teman, Omar, Zepho, Gatam, ka Kenaz. Ka so sawŭn-i adi bŭkŭn, adi dŭn Timna, ayŭh dapŭd gŭh dinge ndi anak dari dŭn Amalek. Sawŭn Esau adi dŭn Basemath biranak yŭn-i ndi anak dari, Reuel, ka Reuel biyŭn pat madis anak dari: Nahath, Zerah, Shammah, ka Mizzah.

¹⁴ Sawŭn Esau adi dŭn Oholibamah, anak dayung Anah adi anak dari Zibeon, biranak yŭn-i taruh madis anak dari: Jeush, Jalam, ka Korah.

¹⁵ Ati inŭh bara tibaran-asar adi mandŭg so Esau. Anak pinuai dari Esau adi dŭn Eliphaz inŭh babuk bara tibaran-asar ati: Teman, Omar, Zepho, Kenaz,

¹⁶ Korah, Gatam, ka Amalek. Sopŭrŭg ngara bara sesang so sawŭn Esau adi dŭn Adah.

¹⁷ Anak dari Esau adi dŭn Reuel jadi babuk bara tibaran-asar ati: Nahath, Zerah, Shammah, ka Mizzah. Sopŭrŭg ngara bara sesang so sawŭn Esau adi dŭn Basemath.

¹⁸ Bara tibaran-asar adi mandŭg so Esau ngga sawŭn-i adi dŭn Oholibamah, anak dayung Anah inŭh Jeush, Jalam, ka Korah.

¹⁹ Sopŭrŭg tibaran-asar anŭ mandŭg so Esau.

Bara Sesang Seir

^20-21 Tibirik daya-asar tarun tana Edom birutung jadi tibaran tibaran-asar tunda susud bara sesang Seir adi daya Hor: Lotan, Shobal, Zibeon, ka Dishan.

²² Lotan inŭh babuk manak Hori ngga Heman. (Lotan biyŭn jurud dayung adi dŭn Timna.)

²³ Shobal inŭh babuk manak Alvan, Manahath, Ebal, Shepho, ka Onam.

²⁴ Zibeon biyŭn duwŭh madis anak dari, Aiah ngga Anah. (Anah ati inŭh adi dapŭd rubang rubang piin paras di tarun tana-pajam di tika ayŭh kingat jaga bara kaldi sama-i.)

^25-26 Anah inŭh sama Dishon, adi babuk manak Hemdan, Eshban, Ithran, ka Cheran. Anah biyŭn gŭh anak dayung dŭn Oholibamah.

²⁷ Ezer inŭh babuk manak Bilhan, Zaavan, ka Akan.

²⁸ Dishan inŭh babuk manak Uz ngga Aran.

^29-30 Ngara ati inŭh bara tibaran-asar daya Hor di tarun tana Edom: Lotan, Shobal, Zibeon, Anah, Dishon, Ezer, ka Dishan.

Bara Raja di Edom

^31-39 Sibayuh bara raja agi di Israel, bara raja ati inŭh adi mritah tarun tana Edom bigati gati: Bela anak Beor so Dinhabah. Johab anak Zerah so Bozrah. Husham so tarun tana Teman. Hadad anak Bedad so Avith (ayŭh ngarah daya Midian darŭm perang di rais Moab). Samlah so Masrekah. Shaul so Rehoboth-di-tunduh-piin-Sungi. Baal Hanan anak Achbor. Hadad so Pau (sawŭn-i inŭh Mehetabel, anak Matred ka sukuh Mezahab).

^40-43 Esau babuk tibaran tibaran-asar Edom: Timna, Alvah, Jetheth, Oholibamah, Elah, Pinon, Kenaz, Teman, Mibzar, Magdiel, ka Iram. Jadi abong tarun tana adi yŭn tibaran tibaran-asar anŭ rŭŭ mbŭh dog ngatŭn tunda ka dŭn tibaran-asar ngara.