PINYIKIANG 1 - Hakcipta - Biatah Bidayuh

Sibungas Pimirang Yŭn Daya Israel

¹ Di sibungas andu darŭm buran adi duwŭh darŭm sawa adi duwŭh ripas daya Israel bu so Egypt, TUHAN minyu di Moses darŭm Bari-I di Tarun tana-pajam Sinai. Ayŭh nang,

² “Kuu ngga Aaron siŭn mirang kiang daya Israel nanyam manak ngga rawang. Nuris dŭn sopŭrŭg dari

³ adi duwŭh puru sawa umbur-i bait adi tuuh so anŭ, adi mbŭh bisa jadi soldadu.

⁴ Bada ndi naan pingubak manak so barang tibaran-asar turung kuu.”

^5-16 Ati inŭh bara dari, bara pinguru darŭm tibaran tibaran-asar ngara, adi dog mien so dupan bara daya Israel yŭn kraja anŭ: Tibaran-asar Pingubak Reuben Elizur anak Shedeur Simeon Shelumiel anak Zurishaddai Judah Nahshon anak Amminadab Issachar Nethanel anak Zuar Zebulun Eliab anak Helon Ephraim Elishama anak Ammihud Manasseh Gamaliel anak Pedahzur Benjamin Abidan anak Gideoni Dan Ahiezer anak Ammishaddai Asher Pagiel anak Ochran Gad Eliasaph anak Deuel Naphtali Ahira anak Enan

Tibaran-asar Pingubak

¹⁷ Ngga pinurung so ngara adi simŭng-duwŭh naan anŭ Moses ngga Aaron

¹⁸ bagan bada tikuruk sopŭrŭg daya Israel di sibungas andu darŭm buran duwŭh ka pibŭrŭt dŭn dŭn ngara nanyam ka manak ngga rawang. Dŭn dŭn bara dari adi mbŭh duwŭh puru sawa umbur-i bait adi tuuh so anŭ dog nuris ka dog mirang,

¹⁹ nimun adi TUHAN muko pesan. Di Tarun tana-pajam Sinai, Moses pibŭrŭt dŭn bara daya.

^20-46 Bara dari adi duwŭh sawa umbur-i bait adi tuuh so anŭ adi mbŭh patut jadi soldadu dog pibŭrŭt dŭn-i nanyam ka manak ngga rawang, piguru so tibaran-asar Reuben adi anak pinuai Jacob. Ati inŭh prungun ngara: Tibaran-asar Kiang Kudu naan Daya Reuben 46,500 naan Simeon 59,300 naan Gad 45,650 naan Judah 74,600 naan Issachar 54,400 naan Zebulum 57,400 naan Ephraim 40,500 naan Manasseh 32,200 naan Benjamin 35,400 naan Dan 62,700 naan Asher 41,500 naan Naphtali 53,400 naan Prungun: 603,550

Tibaran-asar Kiang Kudu naan Daya

⁴⁷ Dŭn dŭn daya Levi dŭh dog pibŭrŭt samah ngga tibaran tibaran-asar adi bŭkŭn,

⁴⁸ sabab TUHAN muko nang di Moses,

⁴⁹ “Kan angān mirang bara dari adi patut jadi soldadu, dŭhnyah mirang samŭn tibaran-asar Levi.

⁵⁰ Simudan, bada daya Levi tukang nguasa Bari Ku samŭn sopŭrŭg pingakas-i. Ngara siŭn taban-i samŭn pingakas-i, nyiraja darŭm-i, ka bibari maning-i.

⁵¹ Kan angān mindah bari bari ngan, daya Levi siŭn natas Bari-Ku ka pijog-i dinge di barang tarun yŭn bibari adi bauh. Tadŭ daya adi nyindŭk Bari-Ku siŭn dog ukum kabŭs.

⁵² Bara daya Israel adi bŭkŭn siŭn bibari, barang naan darŭm tibaran adŭp-i ka di ribo binira adŭp-i.

⁵³ Pak daya Levi siŭn bibari kirurung Bari-Ku, isa mating daya mandŭg nyindŭk ka bada baji Ku nyatŭk barang naan daya Israel.”

⁵⁴ Jadi daya Israel ndai sopŭrŭg anŭ nanyam adi TUHAN muko pesan di Moses.