MAZMUR 93 - Hakcipta - Biatah Bidayuh

TUHAN adi Raja

¹ TUHAN inŭh raja. Kuasa ngga pinyibake-I inŭh keya ka piraka grua adi raja nēn. Ong mbŭh dog bada tagap ka dŭh dapŭd dog ngugoh.

² Takta Mai, O TUHAN, taŭn mbŭh tagap so sibungas-i ka Kaam mbŭh agi sibayuh tipuh piguru.

³ Rasan rawŭt katuh sirŭŭn-i, O TUHAN; ka-i katuh sirŭŭn ngga jawŭn girumbang bās.

⁴ TUHAN inŭh pinguasa ngga siabo bigatung di shorga, bās dŭ so jawŭn girumbang di rawŭt, bikuasa dŭ so girumbang.

⁵ Ukum-adat Mai tan adu adu, TUHAN, ka Ramin Mai inŭh sawŭ kudus, ndŭg situi tui.