MAZMUR 61 - Hakcipta - Biatah Bidayuh

Dua Mite Pinyigrindung

¹ Dingah sien ku, O Tapa; dingah dua ku!

² Darŭm susah buang jo so ramin arŭn aku bagan Kaam! Taban aku ka yŭn adi siramat,

³ amai Kaam inŭh pinyigrindung ku, pingibān ku adi tagap adi grindung aku so pinganyu ku.

⁴ Bada aku rŭŭ sitŭkŭd umbur ku di yŭn pinyirŭŭ Mai; bada aku dapŭd siramat di ribo urad Mai.

⁵ Kaam mbŭh dingah janji ku, O Tapa, ka Kaam mbŭh nggen di aku kayuh ngara adi stabi di Kaam.

⁶ Nambah umbur raja; bada ayŭh adu adu udip!

⁷ Isa-i ayŭh mritah ndŭg situi tui di sirung jawin Mai, O Tapa; grindung ayŭh ngga pinyitŭtŭd Mai ka pinyirindu Mai adi dŭh bisa birubah.

⁸ Isa aku re ari nang ragu puji ka Kaam, darŭm aku barang andu jugan ka Kaam kayuh adi aku mbŭh janji.