MAZMUR 54 - Hakcipta - Biatah Bidayuh

Dua Mite Pinyigrindung

¹ Nyiramat aku ngga kuasa Mai, O Tapa; pirupas aku ngga pinyibake Mai!

² Dingah dua ku, O Tapa; nyiringa pinganang ku!

³ Bara daya adi sambuh mandŭg di nyerang aku; bara daya adi gaok mbŭh suba an siŭ aku — bara daya adi dŭh mbit piduri pasar Tapa.

⁴ Pak Tapa inŭh pinurung ku. TUHAN inŭh pingibān ku.

⁵ Isa-i Tapa pakai arap adŭp pinganyu ku ngga ngukum ngara. Ayŭh re pirabur ngara sabab Ayŭh inŭh tŭtŭd.

⁶ Aku re ngga sanang asŭng jugan sadis ka Kaam, O TUHAN; aku re nggen trima kaseh ka Kaam sabab Kaam inŭh kana.

⁷ Kaam mbŭh pirupas aku so sopŭrŭg susah ku, ka aku mbŭh kiris bara pinganyu ku dog ngarah.