MAZMUR 52 - Hakcipta - Biatah Bidayuh

Ukum ngga Pinyirasi-mandis Tapa

¹ Mani kuu mingangŭn, kuu adi bās, di arap mu? Pinyitŭtŭd Tapa inŭh tan adu adu.

² Kuu bisatur an pirusak daya bŭkŭn; jura mu inŭh reja keya ka siid sinda. Kuu ari napŭ daya.

³ Kuu rindu kayuh adi arap rabis dŭ so kayuh adi kana ka kayuh adi dŭh sawŭ rabis dŭ so kayuh adi sawŭ.

⁴ Kuu suka kinaman daya ngga pinganang mu, kuu adi pingadong!

⁵ Ngapŭi Tapa re pirabur kuu da rarap; Ayŭh re nakap kuu ka tarik kuu so ramin mu; Ayŭh re kadi kuu so ong daya adi udip.

⁶ Daya tŭnggŭn re kiris kayuh ati ka re taru; komŭnŭ ngara re tawŭh kuu ka nang,

⁷ “Tingga, siati inŭh daya adi dŭh bisangan di Tapa yŭn dapŭd pinyiramat, pak sabah di buat-rata adŭp-i ka jiroh pinyipagŭng di kraja pingandai arap adŭp-i.”

⁸ Pak aku mbŭh keya ka tŭngŭn kanā udip di ramin Tapa; aku adu adu sabah di pinyirindu-I adi dŭh bisa birubah.

⁹ Aku re ari nggen trima kaseh di Kaam, Tapa, amai kayuh adi Kaam mbŭh ndai; di sirung jawin daya Mai aku re piagah nang Kaam ati kana.