MAZMUR 47 - Hakcipta - Biatah Bidayuh

Pimritah adi Siabo Bigatung

¹ Nupap tangan ngan amai gaŭn, sopŭrŭg bangsa! Muji Tapa ngga ragu adi bana!

² TUHAN, adi Sambu Sopŭrŭg, patut dog taru; Ayŭh raja bās, mritah di ndi ong ong.

³ Ayŭh nggen di ata pimanang ngarah bagŭ daya; Ayŭh bada ata mritah bangsa bangsa daya.

⁴ Ayŭh mien tarun tana yŭn ata rŭŭ, ndu bisaka bās daya-I, adi-I rindu.

⁵ Tapa maad ka takta-I. Agi jawŭn sirais pinyigaŭn ngga jawŭn trompet, darŭm Ayŭh maad.

⁶ Nang ragu puji ka Tapa; nang ragu puji ka Raja ta!

⁷ Tapa inŭh Raja di ndi ong ong; muji Ayŭh ngga ragu!

⁸ Tapa guru di takta kudus-I; Ayŭh mritah sopŭrŭg bangsa.

⁹ Bara pinguasa bangsa tikuruk ngga daya Tapa Abraham. Rabis bikuasa so sopŭrŭg bara soldadu inŭh Ayŭh; bragah-I dog kibās.