MAZMUR 43 - Hakcipta - Biatah Bidayuh

Dua Daya adi dog Taran ka Rais Bangsa Bŭkŭn

¹ O Tapa, kiren aku dŭh sarah, ka ngibān aku so daya adi dŭh stabi di Tapa; pirupas aku so daya adi pingadong ngga adi arap!

² Kaam inŭh pinyigrindung ku; mani Kaam mbŭh tagan aku? Mani aku dŭh siŭn dŭh babŭ sangsara bada gaok pinganyu ku?

³ Pait jawa Mai ngga pinyawŭ Mai; isa-i nyiruton aku ka taban aku pari ka Zion, sandah kudus Mai. ka di Ramin Mai, adi yŭn Mai rŭŭ.

⁴ Komŭnŭ aku re di ka mija-sambah Mai, O Tapa; Kaam inŭh atak udip sanang ku. Aku re mambak kachapi ku ka nang ragu puji ka Kaam. O Tapa, Tapa ku.

⁵ Mani aku ruai susah? Mani aku ruai bipito? Aku re na pingarap ku di Tapa, ka ndi sidah dinge aku re muji Ayŭh, pinyikudip ku ka Tapa ku.