MAZMUR 142 - Hakcipta - Biatah Bidayuh

Dua Mite Turung

¹ Aku bagan TUHAN yŭn mite turung; aku bandar mite so Ayŭh.

² Aku ngadu bagŭ kayuh di Ayŭh; sopŭrŭg pinyusah ku aku kidaan di Ayŭh.

³ Kan aku mbŭh re jimŭ, Ayŭh puan kayuh adi patut aku ndai. Di aran di yŭn aku panu, pinganyu ku mbŭh sukan jarat ngga kudog aku.

⁴ Kan aku tingga bait tauh ku, aku kiris mating daya re turung aku, mating daya re grindung aku. Mating daya piduri aku.

⁵ TUHAN, aku bagan mite turung so Kaam; Kaam, TUHAN, inŭh pinyigrindung ku; Kaam adŭ adi aku raan di pimudip ati.

⁶ Dingah sirŭŭn ku mite turung, amai aku ati timŭtŭm susah. Nyiramat aku so pinganyu ku; ngara raru bake so aku.

⁷ Pirupas aku so pinyusah ku; komŭnŭ di tika daya Mai tikuruk aku re muji Kaam sabab Kaam kana ngga aku.