MAZMUR 13 - Hakcipta - Biatah Bidayuh

Dua Mite Turung

¹ Ndŭg sinde Kaam kambŭt aku, TUHAN? Adu adu kah? Ndŭg sinde Kaam sukan adŭp Mai so aku?

² Ndŭg sinde aku nyijŭn pinyusah? Ndŭg sinde atin ku susah sandu singarŭm? Ndŭg sinde pinganyu ku ngarah aku?

³ Tingga aku, O TUHAN Tapa ku, ka nam aku. Bada aku pari bake; dŭhnyah bada aku kabŭs.

⁴ Dŭhnyah bada pinganyu ku nang, “Kieh mbŭh ngarah ayŭh.” Dŭhnyah bada ngara gaŭn di pinyirabu ku.

⁵ Aku bisangan di pinyirindu Mai adi dŭh bisa birubah; Aku re gaŭn, sabab Kaam re nyiramat aku.

⁶ Aku re biragu ka Kaam, O TUHAN, sabab Kaam mbŭh kana ngga aku.