MAZMUR 113 - Hakcipta - Biatah Bidayuh

Puji yŭn Pinyikana TUHAN

¹ Muji meh TUHAN! Angān adi urun TUHAN, muji meh adŭn-I!

² Isa-i adŭn-I dog muji, madin ngga ndŭg situi tui.

³ So timor ndŭg barat muji adŭn TUHAN!

⁴ TUHAN mritah sopŭrŭg bangsa; bragah-I rabis bigatung so rangit.

⁵ Mating adi bŭkŭn re mun TUHAN Tapa ta. Ayŭh bitakta ti yŭn adi bigatung,

⁶ pak Ayŭh mutu adŭp-I an tingga rangit ngga ong.

⁷ Ayŭh pakat daya ramah so dabu; Ayŭh pakat daya adi sirata so apŭk

⁸ ka bada ngara jadi ayō pimritah, ka sua mritah daya-I.

⁹ Ayŭh bada dayung adi aboh dapŭd mira; ka bada-i jadi sindŭ adi gaŭn amai biyŭn anak. Muji meh TUHAN!