LEVITICUS 3 - Hakcipta - Biatah Bidayuh

Sadis Bidingan

¹ Kan angān jugan ndi so sapi ngan ndu sadis bidingan, sapi anŭ an dari bait dayung adi pidanah.

² Angān an na tangan ngan di tunduh ubak dāng anŭ ka siŭ-i di rawa tiban Bari TUHAN. Bara imam adi so asar Aaron an naui deya dāng anŭ di so-pat parad mija-sambah

³ ka jugan tatad tatad dāng anŭ nimun adi dog nyabŭt digiti ndu sadis pinguman ka TUHAN: sopŭrŭg ramak di isi pŭrŭng-i,

⁴ atin tipareng-i ngga ramak adi agi dieh, ka parad atin adi siabo kana.

⁵ Bara imam an badang sopŭrŭg-i di tunduh mija-sambah ngga sadis sadis badang. Dagŭn sadis pinguman anŭ pimunos asŭng TUHAN.

⁶ Kambŭi biri puan kah kambing dog pakai ndu sadis bidingan, anŭ bisa dari bait dayung, pak dŭh siŭn dŭh adi pidanah.

⁷ Kambŭi angān jugan biri,

⁸ angān an na tangan ngan di tunduh ubak-i, ka siŭ-i di rawa Bari TUHAN. Bara imam an naui deya-i di so-pat parad mija-sambah,

⁹ ka jugan tatad tatad dāng anŭ nanyam adi dog nyabŭt digiti, ndu sadis pinguman ka TUHAN: ramak ramak-i, koi adi piramak dog kapŭg di siri turang udug-i, ka sopŭrŭg ramak ramak adi marut isi isi pŭrŭng-i,

¹⁰ atin tipareng ngga ramak adi agi dieh, ka parad atin adi siabo kana.

¹¹ Imam adi dapu kraja di tika anŭ an badang sopŭrŭg-i di tunduh mija-sambah ndu sadis pinguman ka TUHAN.

¹² Kambŭi angān jugan kambing,

¹³ angān an na tangan ngan di tunduh ubak-i, ka siŭ-i di rawa Bari TUHAN. Bara imam an naui deya-i di so-pat parad mija-sambah,

¹⁴ ka jugan tatad tatad-i nanyam adi dog nyabŭt digiti ndu sadis pinguman ka TUHAN: sopŭrŭg ramak-i adi marut isi isi pŭrŭng-i,

¹⁵ atin tipareng samŭn ramak ramak adi agi dieh, ka parad atin adi siabo kana.

¹⁶ Imam an badang sopŭrŭg-i di tunduh mija-sambah ndu sadis pinguman ka TUHAN. Sopŭrŭg ramak-i TUHAN dapu.

¹⁷ Daya Israel dŭh siŭn man tadŭ tadŭ ramak puan kah deya; ati inŭh atur adi sopŭrŭg daya Israel, diki diki ngara rŭŭ, an adu adu tunda.