LEVITICUS 12 - Hakcipta - Biatah Bidayuh

Adat Pibisig Dayung ripas Biranak

¹ TUHAN nggen di Moses atur-adat ati

² yŭn daya Israel: Sitŭkŭd ju andu ripas dayung biranak anak dari, nanyam ka adat, ayŭh mbŭh kais keya ka di tipuh ayŭh kais nandā buran-i.

³ Di andu adi mai anak anŭ siŭn dog nyunat.

⁴ Komŭnŭ ripas taruh puru taruh andu dinge ka ayŭh mbŭh bisig nanyam ka adat so deya bisirŭn-i; ayŭh dŭh siŭn tama tadŭ tadŭ kayuh adi kudus, puan kah mŭrŭt Bari TUHAN ndŭg ka tipuh adat pibisig-i mbŭh ripuan.

⁵ Sitŭkŭd simŭng-pat andu ripas dayung biranak anak dayung, ayŭh gibabŭ kais nanyam ka adat, keya ka di tipuh ayŭh kais nandā buran-i. Komŭnŭ ripas nŭm puru nŭm andu dinge ka ayŭh mbŭh bisig nanyam ka adat so deya bisirŭn-i.

⁶ Kan tipuh adat pibisig-i mbŭh abo dog pimanu, bait-i yŭn anak dari puan kah yŭn anak dayung, dayung anŭ siŭn taban ka yŭn imam di tiban Bari TUHAN ndi anak biri adi gi-ndi sawa umbur-i yŭn sadis badang, ka ndi manuk asang puan kah tikukur yŭn sadis taran dosa.

⁷ Imam anŭ siŭn jugan sadis-i ka TUHAN, ka pimanu adat adi ngga kadi pinyikais-i, ka ayŭh re jadi bisig nanyam ka adat. Ati inŭh kayuh adi dayung dŭh siŭn dŭh ndai ripas-i biranak.

⁸ Kambŭi dayung anŭ dŭh tungang nggen ndi anak biri, ayŭh siŭn taban duwŭh manuk asang puan kah duwŭh tikukur, ndi yŭn sadis badang, ka ndi yŭn sadis taran dosa, ka imam siŭn pimanu adat ngga kadi pinyikais-i, ka ayŭh re jadi bisig nanyam ka adat.