Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

JONAH 2 - Hakcipta - Biatah Bidayuh


Dua Jonah

1 So darŭm tain iken Jonah bidua ka TUHAN adi Tapa-i:

2 “Darŭm pinyusah ku, O TUHAN, aku bagan Kaam ka Kaam nam aku. So ong daya adi mbŭh kabŭs aku bagan mite turung, ka Kaam dingah aku.

3 Kaam taran aku ka yŭn adi tŭrŭp, ka rasan rawŭt, di yŭn ku dog ngapuh piin, ka girumbang Mai adi bikuasa gurai aku.

4 Aku pikir aku mbŭh miyap so sirung jawin Mai ka re dŭh tia kiris Ramin Kudus Mai.

5 Piin ngapuh aku ka aku mbŭh aka; rawŭt mbŭh marut ndi pŭrŭng ganan ku, ka uduh rawŭt marut ubak ku.

6 Aku mūn di ka uat uat darŭd, di ka tarun tana adi yŭn tiban adu adu bitŭŭp. Pak Kaam, O TUHAN Tapa ku, nyiramat aku so yŭn tŭrŭp.

7 Kan aku kinyam adŭp ku mbŭh re dŭh rada tarun, nganŭ, O TUHAN, aku bidua ka Kaam, ka di darŭm Ramin Kudus Mai Kaam dingah aku.

8 Ngara adi nyambah tibudo adi dŭh biguna mbŭh tagan Kaam ka dŭh tia tŭtŭd.

9 Pak aku re nang ragu puji ka Kaam; aku re jugan sadis ka Kaam ka ndai kayuh adi aku mbŭh bijanji an ndai. Pinyiramat mandŭg so TUHAN!”

10 Komŭnŭ TUHAN mritah iken bada ruān Jonah di tabing rawŭt, ka-i sawŭ ndai simŭnŭ.

Hakcipta - Today's Biatah Version New Testament © The Bible Society of Malaysia, 2003.

Bible Society of Malaysia
ကြှနျုပျတို့နောကျလိုကျပါ:



ကြော်ငြာတွေ