ISAIAH 4 - Hakcipta - Biatah Bidayuh

¹ Kan tipuh anŭ mandŭg, ju naan dayung re nakap ndi naan dari ka nang, “Kieh bisa dapu tanggong di pinguman ngga piraka adŭp ami, pak turung nyibandar kieh bagan kuu banŭh ami, isa mangŭh dŭh banan dŭh dog kieh.”

Pinyidangŭn Jerusalem re Pari

² Tika-i re mandŭg kan TUHAN re bada barang masam anak kayuh-udip ngga tŭngŭn kayuh timbu ka masang bās bigatung ka ramus. Sopŭrŭg daya Israel adi babŭ udip re gaŭn ka mingangŭn di buwa pimuruh adi tana piruah.

³ Barang naan daya adi dŭm di Jerusalem, adi Tapa mbŭh mien bada babŭ udip, re dog kadŭn kudus.

⁴ Ngga kuasa-I TUHAN re tingga arap kana bangsa anŭ ka pibisig-i ka musor Jerusalem so sarah ngga deya adi ko babas diginŭ.

⁵ Komŭnŭ di tunduh Sandah Zion ka di tunduh sopŭrŭg ngara adi tikuruk diginŭ, sandu TUHAN re pait abun ka singarŭm Ayŭh re pait asuh ngga jireb apui adi jawa. Bragah Tapa re nutu ka grindung kupo anŭ.

⁶ Bragah-I re nyayung kupo anŭ so paras andu ka bada-i jadi tarun yŭn grindung daya so ujen ngga sabak ribut.