Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Kolose 4 - Porjanjian Boharu Torjomahan Baso Dilakng Soari-ari

1 Ko somuo habakng aku bopandir: kaitn gola' moulahan boko hulutn kaitn agatn bondar huatan adil. Ingantcam! Kaitn pan ado Habakng di sorugo inyo bokuaso di kaitn.


Boko potunju' toahir
( 4:2-6 )

2 Bodoacam agatn somombondarannyo. Dalapm doa kaitn, gola' hala bososiap huatan bosukur ko Allah.

3 Aku tongahan dalapm ponjara obai aku momboritoan Kabar Boi'. Jadi, bodoa jam pakai' koi oca' Allah moonji'i jalatn pakai' koi momboritoan Kabar Boi' mongona'i Kristus, ia'an hajat Allah inyo komai kinyo dikotohu'i monsio.

4 Bodoacam oca' aku ulih monyampaian hajat Sio nantai sojolas-jolasnyo.

5 Kaitn gola' hidup agatn somuo kopintar-corodi'an tohadap boko urakng inyo bolupm pocayo ko Yesus. Pakaicam sotiap kosompatan inyo ado pakai' molabuhan nantai.

6 Bopandircam agatn ramah huatan co tohu suah. Agatn ubo nian, aman ado urakng inyo monakutan sosuatu mongona'i boko hal inyo kito pocayo, ongko kaitn paca'an tohu caronyo pakai' monimbasinyo.


Paulus moahiri suratnyo
( 4:7-18 )

7 Aku moutus somadikan inyo ku kasihi, Tikhikus, ko kaitn. Io paca'an momadahan ko kaitn somuo kabar mongona'i aku. Io nantai kawal boi' dalapm pokoroja'an molayati Tuhatn. Io molayati agatn sotia.

8 Aku moutus io ko kaitn oca' kaitn mongotohu'i koadaan koi, huatan oca' io ulih monguat'an hati kaitn.

9 Aku moutus io bosamo agatn Onesimus, inyo boasal doi' tompat kaitn jam. Io nantai somadikan inyo sotia huatan ku kasihi. Sia' duo paca'an momadahan ko kaitn somuo inyo tojadi di si'itn.

10 Salapm doi' Aristarkhus, inyo ado dalapm ponjara bosamo agatn aku. Salapm jam doi' Markus, io sana'-tuho Barnabas. Kaitn udah monorima' posatn mongona'i Markus; aman io datakng, torima' io agatn boi'.

11 Salapm jam doi' Yesus, inyo ditingkau Yustus. Doi' boko urakng Yahudi inyo pocayo, bayo kotigo urakng ni'in inyo ija' molayati bosamo agatn aku pakai' momboritoan mongona'i Koraja'an Allah. Sia' somombondarannyo monulukng aku.

12 Salapm doi' Epafras, inyo boasal doi' tompat kaitn jam. Io molayati Kristus Yesus. Io hala bodoa agatn somombondarannyo pakai' kaitn oca' kaitn totap kuat pocayo ko Yesus. Io bodoa oca' kaitn monjadi kotakng yakitn mongona'i somuo inyo dikohonda'i Allah.

13 Aku udah moniant agatn matoku siku' obai io bokorojo somombondarannyo pakai' kaitn, huatan pakai' boko urakng di kota Laodikia ongko kota Hierapolis.

14 Salapm doi' somadikan inyo kito kasihi, Lukas, dokter nantai. Salapm jam doi' Demas.

15 Sampaian salapm ko boko urakng pocayo di kota Laodikia. Sampaian jam salapm ko somadikan kito Nimfa huatan ko boko urakng pocayo inyo bokumpul sombayakng di rumahnyo.

16 Lopas surat ni'in dibacoan ko kaitn somuo, lalu lajuan dibacoan jam ko boko urakng pocayo di Laodikia. Ubo nian jam, surat inyo ku kiripm ko boko urakng pocayo di Laodikia dibacoan pakai' kaitn.

17 Lopas nantai sampaian posatn ni'in ko somadikan kito Arkhipus, “Pontiat'ancam boboi' oca' kolai monyolosaian tugas polayatan inyo Tuhatn onju' ko kolai.”

18 Salapm doi' aku, Paulus. Aku monulis salapm ni'in agatn jariku siku'. Jangan tongkolupatn obai aku ija' di dalapm ponjara! Aku bodoa oca' Tuhatn moonji'i koboi'an ko kaitn.

ကြှနျုပျတို့နောကျလိုကျပါ:



ကြော်ငြာတွေ