Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

2 Korintus 9 - Porjanjian Boharu Torjomahan Baso Dilakng Soari-ari


Paulus mominto ko urakng Korintus moonji'i sumbakan agatn sonang hati
( 9:1-15 )

1 Sobondarnyo, aku co pontikng monulis ko kaitn mongona'i bantu'an inyo tongahan dikiripm ko boko urakng inyo pocayo di Yerusalem.

2 Obai, aku udah tohu kaitn bondar-bondar honda' moonji'i sumbakan pakai' nantai. Dalapm hal nantai, ko boko urakng di propinsi Makedonia Aku momuji kaitn. Aku momadahannyo ko sia' obai kaitn di propinsi Akhaya udah siap moonji'i sumbakan doi' tohutn komai. Jadi, somangant kaitn mombulah banya' doi' sia' honda' moonji'i sumbakan jam.

3 Apo, aku moutus Titus ongko ko duo somadikan nantai ko kaitn oca' kaitn bondar-bondar siap samo sama'an inyo udah ku padahan ko boko urakng di Makedonia. Jangan sampai aku momuji kaitn sama'an nantai sia-sia.

4 Apobilo ado boko urakng Makedonia inyo tuyutku nononyo, lalu sia' moniant obai sumbakan kaitn bolupm siap, jadi koi paca'an malu. Kaitn pan paca'an malu jam dalapm hal nantai.

5 Nantaiam sobabnyo aku mooso gola' moutus sia' tigo madikan nantai ko kaitn. Sia' mondoholu'i ku oca' sia' ulih mourus sumbakan inyo udah kaitn janjian nantai. Agatn ubo nantai, sumbakan nantai udah siap sobolupm aku datakng. Ongko nantai mombutian obai kaitn moonji'i agatn sonang hati bukainyo diposo.

6 Ingantcam porbaso ni'in: Urakng inyo monugalan bonih sodikit, io pan paca'an bohanyi sodikit jam. Apo urakng inyo monugalan bonih banya', io pan paca'an bulih padi.

7 Jadi, soharusnyo sotiap kaitn moonji'i sumbakan sosuai agatn koputusan inyo udah kaitn pulah dalapm hati siku'-monyiku'. Jangan borat hati damo toposo. Obai, Allah mongasihi urakng inyo moonji'i agatn sonang hati.

8 Ingantcam obai Allah sanggup moonji'i banya' borokat ko kaitn, oca' kaitn hala ado la'apo pan inyo kaitn pontikan. Agatn ubo nantai, kaitn ulih molabuhan banya' porbuatan boi'.

9 Samo sama'an inyo totulis di dalapm Buku Suci: “Sio rokah agatn boko urakng jaro. Sio boi' hati somanah-manahnyo.”

10 Allah inyo moonji'i bonih ko urakng inyo monugal ongko pomakatn pakai' dipua'i. Ubo nantaiam, Sio paca'an moonji'i lobih doi' cukup bonih pakai' kaitn. Sio pan tajahannyo bulah hasil doi' porbuatan boi' kaitn botambah banya'.

11 Masudnyo, Allah tajahan moonji'i kaitn lobih doi' cukup oca' kaitn ulih moonji'i urakng bukai agatn rokah. Lalu, timpu koi monyampaian sumbakan kaitn nononyo, banya' urakng paca'an bosukur ko Allah.

12 Obai, timpu kaitn molayati ubo ni'in kaitn tajahan monulukng momonuhi kopontikan boko urakng umputn Allah di Yerusalem. Apo bukainyo bayo nantai. Kaitn pan tajahan bulah banya' boko urakng bosukur agatn Allah.

13 Doi' polayatan inyo kaitn labuhan nantai. Sia' tajahan momuji Allah obai kotaatan kaitn tohadap kabar boi' mongona'i Kristus inyo udah kaitn jumpati. Sia' pan paca'an momuji Allah obai kaitn agatn sonang hati moonju' sumbakan ko sia' ongko ko somuo urakng.

14 Sia' pan mondoa'an kaitn agatn porasa'an kasih sayang obai Allah udah monunju'an koboi'an-Nyo ko kaitn.

15 Bosukurcam ko Allah obai poonju'-Nyo inyo kotakan borogo nantai!

ကြှနျုပျတို့နောကျလိုကျပါ:



ကြော်ငြာတွေ