ZABURI 4 - Biblia Ilagho Jiboie Kwa Wandu Wose

Malombi gha nakenyi ghelomba wutesia

¹ Ngakuwanga, kunitumbulie ee Mlungu mdederii wapo. Oho koreniteserieghe, ngelo nerekoghe wasinyi. Kunifuye wughoma, kusikire ilombi japo.

² Munifusha waya na kunisowia ishima hata lii nga wandu? Mkunda malagho gha duu na gha tee hata lii?

³ Manyenyi kukaia, BWANA wakusaghue moni wandu wimuobuagha; Ngammbanga BWANA wadasikira.

⁴ Msesighe machu ghenyu ghimngire kaung'enyi; kaienyi kima mawulinyi konyu, mkighipima agho malagho.

⁵ Funyenyi vizongona va hachi, mumsuwirie BWANA.

⁶ Weko wandu wengi wighoragha, “Diwonia hao wucha ghungi?” Kudizighane kwa wughoma ghwako ee BWANA.

⁷ Oho kwangirie kuboilwa kubaa ngolonyi kwapo kuchumba awo, ingelo wapata viro vawo na divei yawo kwa wungi.

⁸ Nichalala andonyi kwa sere, na kupata dilo. Ni oho kuekeri ee BWANA, kunibonyagha nikaie banana.