NEHEMIA 10 - Biblia Ilagho Jiboie Kwa Wandu Wose

¹ Wandu wa imbiri kungiria sahihi ni m'bonyi nguma Nehemia mwana wa Hakalia, na Zedekia.

² Awo winughie ni Wakohani nawo ni Seraia, Azaria, Jeremia,

³ Pashuri, Amaria, Malkija,

⁴ Hatushi, Shebania, Maluki,

⁵ Harimu, Maremothi, Obadia,

⁶ Danieli, Ginethoni, Baruku,

⁷ Meshulamu, Abija, Mijamini,

⁸ Maazia, Bilga, na Shemaia.

⁹ Walawi ni Jeshua mwana wa Azania, Binui wa kivalwa cha Henadadi, Kadmieli;

¹⁰ na waruna Shebania, Hodia, Lekita, Pelaia, Hanani,

¹¹ Mika, Rehobu, Hashabia,

¹² Zakuri, Sherebia, Shebania,

¹³ Hodia, Bani, na Beninu.

¹⁴ Vilongozi va wandu ni Peroshi, Pahath-moabu, Elamu, Zatu, Bani,

¹⁵ Buni, Azgadi, Bebai,

¹⁶ Adonija, Bigvai, Adini,

¹⁷ Ateri, Hezekia, Azuri,

¹⁸ Hodia, Hashumu, Bezai,

¹⁹ Harifu, Anathothi, Nebai,

²⁰ Magpiashi, Meshulamu, Heziri,

²¹ Meshezabeli, Zadoku, Jaddua,

²² Pelatia, Hanani, Anaia,

²³ Hoshea, Hanania, Hashuhu,

²⁴ Haloheshi, Pilha, Shobeki,

²⁵ Rehumu, Hashabina, Maaseia,

²⁶ Ahia, Hanani, Anani,

²⁷ Maluki, Harimu na Baana.

Mapatano

²⁸ Isi wandu wa Israeli, wakohani, Walawi, walindiri wa Hekalu, wabori wa Hekalunyi wadumiki wa Hekalunyi, na waghenyi wikaiagha isangenyi kodu wikutanyire na wamzawo kwa Sharia ya Mlungu odu, na waka wedu na wana wedu wose wawuyatambukilwa ni malagho,

²⁹ dawadana na vilongozi vedu kwa ighemi kukaia dikalemwa ni kuikatisha Sharia ya Mlungu iyo oremnekieghe mdumiki wako Musa na malaghiro na mafundisho ghake, diwado ni njowe. Nesi daghema kukaia dichaghiwadia ghose.

³⁰ Ndedichaaloworana na waghenyi wawuyakaia isangenyi kodu.

³¹ Waghenyi wikareda viro angu kilambo chingi chediuzira ituku ja Sabato angu ituku jielie jingi izima; ndedivighuagha kufuma kwawo. Kula mwaka ghwa mfungade, dichasigha mbuwa rihore, na kuleka sile rose.

³² Dichafunya gramu isanu ra feza kula mundu kwa mwaka kulipia gharama ra Hekalu ya Mlungu odu.

³³ Dichakaia dikifunya vilambo vinughagha kwa wundu ghwa wutasi ghwa Hekalunyi: Mkate ghufunyiro kwa Mlungu, Mafunyo gha viro gha ituku ituku, nyamandu kwa wundu ghwa vizongona vekora va ituku ituku, vizongona va wueli kwa wundu ghwa Sabato, Ndima ya Mori Lukombe na Ndima zima, vizongona vizima na vizongona kwa wundu ghwa kaung'a ra Waisraeli, na icho chose chikundikagha kwa wundu ghwa Hekalu.

³⁴ Isi wandu, na wakohani, na Walawi dichakaba kura kula mwaka ewonyera ni kichuku chiao chichaafunya mbande kwa wundu ghwa vizongona vekorwa vifunywagha kwa BWANA Mlungu odu, sa iji sharia ikundagha.

³⁵ Dichakaia dikifunya mavalo gha imbiri gha viro na matunda Hekalunyi; vifumagha mbuwenyi kodu kila mwaka.

³⁶ Mwana wa womi wa imbiri uchaavalwa kodu dichamreda kwa wakohani Hekalunyi na aho, dichammbika kwa BWANA karakara na Sharia. Wokoni dichareda ngache ya imbiri ivalwagha ni kula ng'ombe yedu, na mwana wa ng'ondi na wa mburi wa imbiri uvalwagha ni kula ng'ondi angu mburi.

³⁷ Dichareda kwa wakohani Hekalunyi mifu ya viro va imbiri vikuwidwagha kula mwaka, na mafunyo ghedu mazima gha divei na mavuda, na matunda ghose. Dichaghenja ifungu ja ikumi kwa Walawi, awo wiwusagha ifungu ja ikumi ja mavalo gha mbuwa ra mizinyi kodu.

³⁸ Wakohani wa kivalwa cha Haruni, wichanughana na Walawi ngelo ewada ifungu ja ikumi. Na Walawi wichafunya ifungu ja ikumi ja agho mafungu gha ikumi wawada na kughiwika andenyi ya stoo ra Hekalu, ghipate kukaia matumizi gha Hekalunyi.

³⁹ Wandu wa Israeli na Walawi wichaghenja agho mafunyo gha viro, na divei, na mavuda andenyi ya stoo andu vilambo va Hekalu viwikwagha, andu nyumba ra wakohani wiko kazinyi, na ra walindiri wa Hekalu, na ra wabori rikaiagha. Na jingi ndedichaasigha kuitala nyumba ya Mlungu odu.