ESTA 10 - Biblia Ilagho Jiboie Kwa Wandu Wose

Wubaa ghwa Ahasuero na Mordekai

¹ Nao Mzuri Ahasuero ukafunya momu wandu wose isangenyi na masanga gha pwani andenyi ya wuzuri ghwake wifunye kodi.

² Mabonyo ghake mabaa ghose gha mashiniko oreghibonyereghe, chiaimweri na maza remjosa daraja ra ishima Mordekai, agho ghose ghaandikilo andenyi ya Chuo cha Wukumbuso cha wuzuri ghwa Media na Pashia.

³ Uo Mordekai Myahudi orekoghe wa kawi kwa Mzuri Ahasuero kunughana na daraja orenekeloghe. Nao orekundiloghe na kunekwa ishima ni Wayahudi, kwa kukaia orewibonyereghe nicha, na kuwiwika andenyi ya wulindiri ghwa loli.