Tihlabelelo 133 - Siswati 1996 Bible

Tibusiso tebunye bebuzalwane

Ingoma yaDavide yekuya emikhosini.

¹ Maye, kuhle kumnandzi kuhlalisana kwebazalwane ngekuvana.

² Kuhle kufana nemakha, lanuka kamnandzi, nakatselwe enhloko, ageleta, adzimate ehlela esilevini, yebo, esilevini sa-Aroni atfontsela nasetiphikeni tetingubo takhe.

³ Kufana nematolo eNtsaba iHemoni, nakehlela eNtsabeni iSiyoni. Kulapho-ke lapho Simakadze ehlisela khona tibusiso takhe, yebo, nekuphila, kuze kube phakadze.