Tihlabelelo 127 - Siswati 1996 Bible

Imphumelelo ichamuka kuNkulunkulu

Ingoma yaSolomoni yekuya emikhosini.

¹ Indlu nayingakhiwa nguNkulunkulu, basebentela lite labo labayakhako. Lidolobha nalingagadvwa nguNkulunkulu, basebentela lite labo labaligadzako.

² Kulite kini kuvuka ekuseni nephute nekulala, nidle nekudla kwekuhlupheka, ngobe Nkulunkulu uyamupha lotsandzekako wakhe ebusuku aselele.

³ Bantfwana balifa leliphuma kuSimakadze, basibusiso lesivela kuye.

⁴ Bantfwana bebusha banjengemicibisholo lesesandleni selichawe.

⁵ Ibusisiwe indvodza, lemgodla wayo ugcwele imicibisholo lenjalo. Bangeke bahlazeke nabamelene netitsa tabo emasangweni ekwehlulela.